الحلقه الثانيه

ورد قربت من العربيه وللاسف مكنش ادهم

ورد

انت مين ...انت شبه ادهم اوي أنت اخوه مش كده بالله عليك ادهم فينه انتو مخبينه مش كده دا سابني يوم فرحي ومشي

الشاب واسمه يونس

يونس

انتي عروسه ادهم واضح من شكلك بس صدقيني انا معرفش ادهم فين والله وازاي اصلا بعمل حاجه زي دي ويسيبك....علي العموم مسيره هيظهر انا لازم اوصلك بيتكم مش هينفع تفضلي في الشارع كده اركبي اوصلك

ورد ركبت معاه وطول الطريق بتعيط ........

مرت تلات أيام على ليلة الفرح ........

ورد قاعده في اوضتها بتعيط وبتقول

تلات أيام وأنا حابسة نفسي في أوضتي، الفستان الأبيض لسه مرمي على الأرض زي الجثة، وعيني منشفتش من الدموع. الكل بيقولوا طفش، الكل بيقولوا ندل.. بس قلبي مكنش مصدق، الحب اللي عشناه سوا مكنش كدب. لحد ما جالي الخبر إنه رجع وشافوه في شقته القديمة ودا مكان بعيد كل البعد عن الفيلا بتاعتهم......

. مأخدتش ثانية تفكير، نزلت جري من ورا أهلي، ودموعي على خدي، كنت عاوزة إجابة واحدة.. ليه كسرتني؟

​وصلت قدام باب الشقة، إيدي كانت بترتعش وأنا بخبط. الباب اتفتح.. وظهر قدامي. بس مكنش "أدهم" اللي أعرفه. ملامحه كانت متغيرة، عينيه تعبانة وتحتها سواد، ودقنه نبتت بشكل غريب. أول ما شافني، ملامحه اتصلبت وعينيه اتحولت لكتلة برود صدمتني.

​وقفت وأنا بنهج، ودموعي نزلت غصب عني:

ورد

​"ليه يا أدهم؟ ليه عملت فيا كده؟ سيبتني ليلة فرحنا وسط الناس وفضحتني.. ليه؟!"

​سند بإيده على الباب، وبصلي بنظرة خالية من أي مشاعر، وطلع صوت حاد زي السكينة:

​"عشان مبقتش عاوزك.. زهقت،و هو ده السبب الكافي؟"

​الكلمة نزلت على قلبي قطعت شرايينه. رجعت خطوة لورا وأنا مش مصدقة:

ورد

​"زهقت؟! بالبساطة دي؟ بعد كل السنين دي تسبني في ليلة عمرنا وتقولي زهقت؟ أنت كداب يا أدهم، عينيك بتقول إنك كداب! قولي الحقيقة، فيك إيه؟"

​قرب مني خطوة، وعينيه لمعت فجأة بنظرة غريبة، ضغط على سنانه وقال بقسوة مصطنعة وهو بيبص في عيني جامد:

​"الحقيقة إني عمري ما حبيتك! كنت بتسلى.. وكنت عاوز أكسر مناخيرك وأعرفك إنك ولا حاجة بالنسبالي. فوقي يا ورد.. أنا كرهتك، ومش عاوز أشوف وشك تاني في حياتي، وابعدي عن طريقي بقا عشان مأذكيش!"

​وفجأة.. قفل الباب في وشي بقوة هزت المكان كله.

​وقعت على ركبي ورا الباب وأنا بصرخ وببكي من قهرتي. الكسرة اتحولت جوة قلبي في ثانية لحجر.. الحب اللي كان مالي كياني اتبخر، ومبقاش فاضل غير نار قايدة.. نار مش هتنطفي غير لما أشوفه مكسور زي ما كسرني. وقفت على رجلي، مسحت دموعي بعنف وقسمت في سري:

"وحياة كل دمعة نزلت مني يا أدهم.. لندمك على اليوم اللي اتولدت فيه".واعرفك يعني اي ست تكره بعد ما كانت بتحب من كل قلبها

​على الناحية التانية من الباب..

​أول ما الباب اتقفل، أدهم سند ضهره عليه ونزل على الأرض وهو حاطط إيده على راسه، وجسمه كله بيرتعش. عينيه اللي كانت من ثانية مليانة برود، دلوقتي بتنزف دموع وجع وقهر. كان سامع صوت صريخها وعياطها برة، وكل صرخة منها كانت بتدبح في قلبه.

​"سامحيني يا ورد.. سامحيني يا حبيبة عمري.. كان لازم أعمل كده عشان أحميكي!" همس بيها بصوت مخنوق وهو بيكبس على سنانه عشان صوته ميطلعش وتسمعه.

​فجأة، تليفونه رن في جيبه بنغمة مخصصة. أدهم اتنفض من مكانه، ملامحه اتقلبت لغل وغضب مرعب. أخد نفس طويل عشان يداري بحة صوته، وفتح الخط.

​جاله صوت أنثوي ناعم بس مليان شر وحقد من الناحية التانية:

​"ها يا عريسنا؟ ورد كانت عندك برة وصوتها كان جايب آخر الشارع.. قمت بالواجب معاها ولا حنيت؟"اوعي تكون حنيت ازعل انا كده

​أدهم ضغط على التليفون في إيده لحد ما كان هيكسره، وعروق رقبته برزت وهو بيتكلم بنبرة فحيح الأفاعي:

​"عملت اللي أنتِ عاوزاه بالظبط.. كسرتها وخلتها تكرهني وتكره اليوم اللي شافتني فيه، والباب اتقفل في وشها للأبد.. ارتحتي كده؟"

​ضحكت بصوت عالي ومستفز:

​"برافو عليك يا أدهم.. كده تعجبني، طول ما أنت بتنفذ اللي بقولك عليه وبتبعد عنها، طول ما هي هتفضل عايشة وأهلها في أمان.. ومتنساش، خطوتنا الجاية قربت."

​أدهم وقف بطوله، وعينيه اسودت وعروقه نفرت من كتر الغضب، وقال بصوت هز حيطان الأوضة ومرعب:

​"أنا نفذت كلمتي وبعت روحي عشانها.. بس وعهد الله، وحق حرقتي وكسرة قلبها برة دلوقتي.. لو لمستي شعرة واحدة منها، أو فكرتي تأذيها مجرد أذية، لكون ملبسك كفنك بإيدي، وساعتها مش هيهمني أي حاجة في الدنيا.. مفهوم؟!"

ضحكت ضحكه مستفزه

تعجبني وانت عامل فيها العندليب العاشق الي يعني ضحي بفرحته لاجل حبيبته....علي العموم لغايه دلوقتي انت جدع وجهز نفسك للخطوه الجايه يا عريس .....

ادهم قفل الخط وهو في نار في قلبه وبص بسرعه من البلكونه علشان يلمح ورد وهي ماشيه

ورد كانت واقفه مستنيه تاكسي بصت علي بلكونته لقيته واقف بصتله بنظرات كلها انتقام اتحول الحب فجاه لانتقام وكره مكنتش متخيله اني هكرهك يا ادهم بالطريقه دي

وبصوت مسموع فضلت تغني بكسره وقلب موجوع وادهم كان سامع الصوت

ورد بتغني بحزن

وحياااه كلمه بحبك الي انت محستهاش لانسي دلوقتى حبك وكاني مقولتهاش وازاي نطقها لساني ياريتك ما جتلي انا مش هقولها تاني لو حتي اتقالتلي اااااه اااااه.........وحيااااه بحبك......

فضلت تعيط وبسرعة مسحت عنيها وركبت تاكسي

ادهم فضل يبكي بكا هستيري وقرر يروح الفيلا يستنجد باخوه يونس لان ادهم بطبعه شخصيه ضعيفه

وصلت ورد البيت

زينب

ورد يا بنتي انتي كنتي فين ....عيونك ليه منفخه كده انتي كنتي بتعيطي مش كده ....اتكلمي يا بنتي مالك

ورد

مفيش اي حاجه انا كويسه وكويسه اوي كمان انا كنت بدور علي شغل مش اكتر والحمد لله لقيت .....هشتغل في شركه كويسه جدا متقلقيش عليا يا ماما مش انا الي الحب يكسرني

زينب استغربت جمدان قلب ورد

في الوقت دا جات يارا من بره وزينب استغربت

زينب

اي دا يارا انتي كمان كنتي بره انتي مقولتيش يعني أنك خارجه هو في أي هو انا مبقاش ليا لازمه في البيت دا ولا اي كل واحده فيكم تخرج وقت ما تحب وترجع وقت ما تحب

يارا

اهدي بس يا ست الكل انا لقيتك نايمه مرضتش اصحيكي وكمان ملقتش ورد كنت هبلغها للأسف مروه صحبتي عملت حادثه ومكنش ينفع اسيبها لوحدها روحتلها جري علي المستشفي انتي عارفه يا ماما مروه دي غاليه عليا قد اي

زينب

يا لهوي طيب وهي كويسه دلوقتي أنا لازم اروح معاكي اسال عليها

ياراا

اه هي كويسه الحمد لله كل الجروح سطحيه..... ماشي بكره نروحلها مع بعض......اومال انتي كنتي فين يا ورد ملقتكيش جمبي في الاوضه الصبح

ورد

كنت بدور علي شغل ..... والحمد لله لقيت ....عن اذنكم هروح انام شويه

في الفيلا

ادهم كان بيعيط قدام يونس

يونس

اجمد ياض في أي مفيش راجل بيعيط.....ممكن اعرف حصل اي وليه سيبت ورد يوم فرحكم معقوله خوفت من امك.....معتقدتش قولي بقي حصل اي خلاك تسيبها وتخسرها بالطريقه دي وتكسر قلبها هي هانت عليك ازاي

ادهم

غصب عني والله العظيم انا عملت كده علشان احميها.......بص أنا هقولك علي كل حاجه بس انت لازم تساعدني يا يونس ابوس ايدك ساعدني..........

يا تري اي الي حصل ويونس رد فعله هتبقي اي

وورد ناويه علي اي

تابعوني

شيماء عبد الرحمن