الفصل الثالث

في المكتب الخاص بفيلا عائلة يونس

، كانت الفيلا هادية لحد ما الباب اتفتح فجأة ودخل "أدهم"

. مكنش أدهم القوي القاسي اللي الناس تعرفه، كان مكسور، ملامحه شاحبة، وعينيه حمرا من كتر الدموع والوجع اللي حبسه بقاله تلات أيام في شقته المستقلة لوحده. أول ما دخل، قفل الباب وراه وسند ضهره عليه ونزل على ركبه بضعف وهو مش قادر يشيل طوله.

يونس كان قاعد ورا مكتبه، أول ما شاف أخوه بالمنظر ده، اتنفض من مكانه والزهول صدمه. جري عليه وقعد على ركبه قدامه ومسك كتافه بلهفة وخوف:

"أدهم! أنت بتعيط يا أدهم؟ أنت بقالك تلات أيام قفل على نفسك في شقتك والبلد كلها مقلوبة عليك، وأهل ورد ناويين على دمك بعد اللي عملته ليلة الفرح وفضحتها قدام المعازيم! إيه اللي جابك الفيلا دلوقتي وإيه اللي مكسرك كده؟ قولي في إيه؟"

أدهم رفع عينه ليونس، والشهقة طلعت من صدره مقهورة، مسك في قميص أخوه كأنه غريق بيستنجد بيه وصرخ بصوت مكتوم ومليان وجع

:

"ساعدني يا يونس.. ارجوك ساعدني أحمي ورد! أنا جيتلك هنا عشان ماليش غيرك ينجدني.. أنا هموت من كتر الوجع، مش قادر أشوف كسرتها وعياطها، ومش قادر أقولها الحقيقة.. أنا بموت في كل ثانية ببعد فيها عنها!"

يونس هز راسه بحيرة ووجع على منظر أخوه:

"تحميها من إيه؟ وأنت اللي سبتها ليلة فرحكم وطعنتها في شرفها وكبريائها؟! فهممني متجننيش، إيه اللي حصل في شقتك وخلاك تعمل كده؟"

أدهم دارى وشه بإيديه ودموعه نازلة بغزارة:

"أنا مسبتهاش بمزاجي..

أنا اتخطفت ليلة الفرح من شقتي! يارا.. يارا أختها هي السبب في كل ده! يارا بتحبني وعاوزة تاخدني ليها غصب، وجاتلي ومعاها رجالة مسلحين وخيرتني.. قالتلي بالحرف الواحد: يا إما تسيب ورد وتكسر قلبها وتفضحها يوم فرحها وتبعد عنها للأبد، يا إما مش ههنيك بيها وهقتلهالك في ثانية وهحرق قلبك عليها!

أنا شوفت السلاح متوجه لورد في السر من رجالتها وهي مش حاسة، كانوا هيموتوها يا يونس.. بعت نفسي ووافقت أبان ندل وخاين في نظرها ونظر الدنيا كلها بس تفضل عايشة.. بس تفضل ورد عايشة قدام عيني حتى لو بتكرهني! وجيتلك هنا عشان مش عارف أتصرف إزاي!"

يونس اتصدم، رجع لورا وهو مش مصدق، عينه وسعت من كتر الزهول من حقد يارا وأفعالها:

"يارا؟! يارا أختها تعمل كل ده؟! دي حرباية.. بس استنى يا أدهم، اهدى وفكر معايا بالعقل كده في الفيلا هنا ومحدش سامعنا.. يارا منين تجيب الجرأة والرجالة والقدرة دي كلها عشان تخطفك وتهددك ليلة الفرح؟ يارا طول عمرها جبانة ومحيلتهاش حاجة.. الموضوع ده كبير، والموضوع ده وراه "حد تقيل" بيساعد يارا وبيحركها من ورا الستار، ولازم أعرف هو مين بالظبط! في راس حية تانية يا أدهم، ولازم نوصلها قبل ما تأذي ورد أو تأذيك وأنت هنا في أمان معايا!"

أدهم بص لأخوه بنظرة مليانة أمل وخوف وهو بيترعش:

"دور يا يونس.. اعرف مين اللي وراها، بس أرجوك.. ورد متعرفش حاجة، لو عرفت هتروح تواجههم وهيضيعوها.. احميلي ورد يا يونس!"

يونس

اهدا ومش عايزك تقلق خالص انا معاك مش هسيبك.....

في نفس الوقت، في بيت ورد..

زينب كانت في المطبخ بتجهز الاكل وواقفه معاها ورد

زينب

ورد يا بنتي مالك سرحانه في أي .....انا مش عوزاكي تتاثري بالي حصل وأنا والله لو شوفت ادهم قدامي لشرب من دمه ازاي يعمل فيكي كده انا مش قادره اعرف أي السبب لغايه دلوقتي

ورد

انا مش هاممني ادهم يا ماما بجد خلاص كرهته اوي انا الي يهمني دلوقتي نفسي ونفسيتي ولازم أشتغل واشغل نفسي بحياتي الجايه مختش من الحب الا وجع القلب كرهت الحب اوي يا ماما

زينب

ومين سمعك هو انا حد دمرني غير الحب ....

ضحكت ورد

بس انتي بتحبي بابا والله يرحمه كان بيموت فيكي اي بقي إلي دمرك ولا في حاجه تانيه انتي مش عايزه تقوليها

عيطت زينب وحست بنغزه في قلبها لما فكرت في الماضي وفي إلي حصل زمان

ورد

ماما انتي بتعيطي في أي معاكي ياريت تحكيلي

زينب رجعت بالذكريات لورا لما عرفت أن جوزها بيخونها وبيكلم واحده غيرها

زينب

بتخوني يا ايمن ....سمعاك بوداني وانت بتقولها انك عايش زي الميت معايا ....انا مكرهاك في حياتك يا ايمن طيب ليه عملتلك اي دا أنا بحبك .....بتكسر قلبي بمجرد اني بحبك طيب لما أنت مش طايق العيشه معايا متجوزني ليه لغايه دلوقتي ما تطلقني

ايمن مسكها بقوه

الي معيشني معاكي بناتي انتي مفكره نفسك ست ولا اي دا انتي في سوق النسوان متسويش نكله اقعدي ربي العيال وبحبها وهتجوزها وهسيبك واروحلها غوري في داهيه ابعدي عن وشي

رجعت زينب من ذكرياتها والدموع مغرقه عنيها

ورد

اهدي يا ماما أنا شكلي كده فكرتك بحاجه ولا اي انا اسفه حقك عليا ارتاحي انتي وانا هروح اغير هدومي واجي احط الاكل وبالمره انده علي يارا علشان ناكل ......

كانت يارا واقفة في أوضتها، قافلة الباب بالمفتاح، ملامحها الطيبة البريئة اللي بتمثلها قدام الناس اتبخرت، وحل مكانها نظرة طمع وجشع مرعبة. كانت ماسكة التليفون وبتتكلم بصوت واطي بس كله غل وفحيح:

"أنا نفذت كل اللي اتفقت عليه معاكي بالحرف الواحد.. وخليت أدهم يكسر ورد ليلة الفرح والاتنين بقوا بيكرهوا بعض وعلاقتهم انتهت للأبد.. أنا دلوقتي عاوزة فلوس، وفلوس كتيرة كمان وتنزلي في حسابي حالا! يا إما وحياة أمي هروح لأدهم وأحكي له على خطتك معايا كلها من طقطق للسلام عليكم، وأقوله إنك أنتِ العقل المدبر لكل ده، وساعتها أدهم مش هيرحمك!"

على الناحية التانية من الخط، الصوت الأنثوي المجهول اتقلب بغضب وغل، وصوت أنفاسها بقى عالي ومضغوط من تهديد يارا:

"أنتِ بتلوى دراعي يا يارا؟ بتشحتيني وأنا اللي عملتلك كل حاجة وخليت البطل بتاعك يركع؟ ماشي.. خلاص، هديلك الفلوس اللي أنتِ عاوزاها وهبعتلك المبلغ الصبح، بس افتكري كويس.. لو فكرتي تلعبي بديلك أو تنطقي بكلمة واحدة، أنا هفضحك قدام أهلك وأقول إنك أنتِ اللي خطفتي جوز أختك.. لمي نفسك واقعدي في حتتك لحد ما أقولك الخطوة الجاية إيه!"

يارا ابتسمت بشر وشماتة:

"مبتهددش يا حبيبتي.. الفلوس توصل الصبح، وساعتها هبقى خاتم في صباعك."غير كده لا

دا انتي ماديه حقيره...يله في داهيه سلام .....

وقفت يارا وقفلت السكة وهي بتضحك بانتصار، ولفت وشها عشان تفتح الباب وتخرج.. لكن الصدمة شلت حركتها والضحكة جمدت على وشها، والتليفون وقع من إيدها على الأرض اتدشدش ميت حتة!

قدام الباب.. كانت "ورد" واقفة!

وشها كان أبيض زي الأموات، عينيها كانت واسعة من كتر الصدمة والزهول، ودموعها نازلة في صمت مرعب. ورد سمعت كل كلمة.. سمعت إن أختها، حتة من دمها، هي اللي دمرت فرحتها، وهي اللي ورا خطف أدهم، وإن فيه ست مجهولة تانية بتلعب بيهم كلهم.

ورد بصت ليارا بنظرة اتقلبت في ثانية من صدمة لغل وانتقام أعمى، وضغطت على سنانها وهي بتنهج كأنها وحش هيثور.. ويارا وقفت مكانها مرعوبة وجسمها كله بيرتعش بعد ما سرها اتكشف في ثانية!.

يا تري هيحصل اي

الحلقه الجايه ناريه انتظروني .....

شيماء عبد الرحمن