GINANAP SA ISANG beach hotel ang naturang reception ng kanilang kasal. Doon na rin ginanap ang paghahagis ng bouquet at garter kung saan ang bulaklak ni Veron ay nasalo ng isa sa mga katulong ng mga Tolledo at ang garter naman ay nasalo ng isa sa kaklase ni Ynzo noong high school. Nagkaroon ng tuksuhan dahil tila bagay para sa isa’t isa ang dalawang nakasalo. “Nagkakatotoo pa naman ang sinasabi ng iba na kung sino man ang makasasalo ng bouquet ng bride at garter ng groom ang siyang susunod na ikakasal,” anang masters of the ceremony ng programa. Nagsihiyawan ang mga tao sa paligid. Halos mamula naman ang mukha ng babaeng may hawak ng bridal's bouquet. Nasa gitna na ng stage ang babae habang nakaupo sa upuan at papunta na rin doon ang lalaking nakakuha ng garter. “Oh my gash! Ito na! Isusuot na ni future groom ang garter sa binti ni future bride,” kantiyaw ng tagapagsalita na sinegundahan naman ng iba. Tila nag-usap pa ang dalawa sa ent

NAPAINAT SI VERON ng mga braso paggising. Suot pa rin niya ang mabigat at mamahaling traje de boda. Nagulo na ang buhok niya at bahagya siyang napatingin sa sariling mga paa. Wala siyang natandaan na hinubad niya ang mga suot na sapin sa paa. Naipilig niya ang ulo. Bumangon siya at hinubad ang suot na damit. Medyo nahirapan siya sa paghuhubad niyon dahil hapit na hapit iyon sa kaniyang katawan at hirap siyang abutin ang lock sa likurang bahagi ngunit napagtagumpayan niya rin naman at siya namang pagbukas ng pinto. “Sleeping Beauty, time to—” Naputol ang dapat na sasabihin ni Ynzo nang makita ang sitwasyon ng babae. Nabitin sa ere ang mga kamay niya habang nanlalaki ang mga matang napatitig sa lalaki. Bumagsak na rin sa sahig ang kasuotan niya. Napasigaw ng malakas si Veron sa labis na pagkagulat. Wala siyang ibang suot kundi ang kaniyang panloob at ang lalaking bigla na lang nagbukas ng pinto ay hindi man lang natauhan para umalis. Nakatulala lamang a

“Sa wakas ay tumigil ka rin. Pinagod mo pa talaga ako, ’no?” anas ng lalaki habang nakatutok sa kaniya ang isang kwarenta singko na baril.Halos mamutla si Ynzo nang makita ang hawak-hawak nito na matamang nakatutok sa kaniya.“Nasaan ang kasama mo? Ha?” tanong pa nito at panay rin ang paghabol ng hininga. “Nasa’n na? Sumagot ka!” pasigaw pa nitong tanong.“Nandito ako!” Nagulat ang dalawa nang marinig ang tinig na iyon. Luminga-linga pa ang dalawang lalaki sa buong paligid ngunit wala silang nakita ni anino man lang.Mas ikinagulat nila nang walang ano-ano’y tila may lumipad mula sa mataas na puno at dire-diretso na tumalon sa kinapupuwestuhan ng misteryosong lalaki.

MAGKASALUBONG ANG mga kilay ni Ynzo habang nakatingin kay Veron ngayon. Nakapasak sa magkabilang tainga nito ang suot na wireless earphone at nakangiting sumalampak sa sofang nasa loob ng kanilang silid. Nagmistulang call center kasi ang kanilang silid dahil kanina pa may kausap ang babae. Noong una’y si Agent Blue—base sa pagkakarinig ni Ynzo na pangtawag dito ng asawa.“Syempre naman, ikaw lang kaya ang mahal ko,” abot-tainga ang ngiti ni Veron nang sabihin iyon. “Sus, ikaw ang pinaka-guwapong lalaki sa balat ng lupa at walang sinumang Adonis ang makakaagaw sa ’kin mula sa ’yo,” dagdag pa ng babae.Nanginginig na lang siya sa sobrang ka-cheese-han ng babaeng amazona na ito. Kung anong ikinaastig sa bakbakan ay siyang ikina-weird-o pagdating sa mahal nitong lalaki. Parang ayaw niya tuloy ma-inlove dahil nakababal

“I NEED TEN MAIDS here right away!” narinig nilang wika ni Ginang Tolledo nang may tawagan ito sa sariling cellphone. “Bilisan niyo!” Nanatiling nakayuko at lihim na nagsisisihan sina Ynzo at Veron. “You two!” pagtawag ng Ginang sa dalawa na ikinataas ng kanilang tingin. “Clean this mess before the maids will arrived. Unahan niyo nang maglinis, tutal ay kayo naman ang nagkalat.” “Ikaw na kaya ang maglinis tutal ikaw lang din naman ang nagkalat,” napaismid si Veron habang sinasabi iyon. “At bakit? Sino ba itong ang lakas ng loob magluto e hindi naman pala marunong. Muntik mo pang sunugin itong buong bahay,” gagad naman ni Ynzo. “Sino ba ’tong isip bata na nagpahabol para lang sa isang remote at halos ihagis lahat ng pagka