"Kailangan ng kasama nina Diana at Yael. Doon na muna kayo ni Rhea," ani Ramon habang nakasakay sila sa kaniyang sasakyan. Kasalukuyan nilang binabaybay ang daan patungo sa kinaroroonan nina Diana."Kuya, sasamahan kita. Hindi ako mapapakali habang nakaupo at naghihintay ng balita galing sa'yo. Nag-aalala ako sa anak ko pati na rin sa'yo," sabi ni Ramil."Ramil, paano kung salakayin sina Diana ng mga tauhan ni Ythan? Sino ang magtatanggol sa kanila?" Kumunot ang noo ni Ramon. "Please listen, Ramil. Huwag matigas ang ulo.""Mag-iiwan ka naman ng mga tauhan, kuya 'di ba? Isa pa, may mga pulis na sa area. Ligtas na roon ang apo at asawa ko," giit ni Ramil."May pulis man o wala, may tauhan man ako roon o wala, kailangan ka ng asawa at apo mo. Hindi lahat ng mga pulis ay kakampi natin. Hindi natin alam…baka kasabwat pala ni Ythan ang ilan sa kanila. Maraming nagagawa ang pera, bunso. Sana makinig ka kay kuya." Sinulyapan ni Ramon si Rhea."Ramil, tama ang kuya mo. Doon ka na lang kasama n
Read more