Semua Bab INSTANT DADDY : Bab 101 - Bab 110

"ARE you ready?" Hindi napigilan ni Meadow ang matawa sa kinikilos ng asawa. Kagabi pa ito hindi mapakali. Mas excited pa sa kaniya na malaman ang gender ng anak nilang nasa sinapupunan niya. Pero kung excited ito, hindi rin pahuhuli ang kanilang anak na si Avi. Panay ang ungot nito sa kaniya, gustong sumama sa check up, ngunit mariing tumanggi ang ama nito. May pasok pa kasi ang bata. Ayaw nilang mag-asawa na nang dahil lang doon ay aabsent ito, lalo na't may activity pa ito sa school. Nangako naman sila na susunduin ito sa school. Ngayon ay kamumulat pa lang niya ng mata, pero heto't nagtatanong na agad ang asawa niya. Alas dyes ang schedule niya para sa ultrasound, kaya hindi kailangang magmadali. "Mag-breakfast muna tayo," aniya sa asawang nakatitig sa kaniya. Bumangon siya at nagtungo sa banyo para maglinis ng mukha. Nang lumabas ay nag-aabang na sa gilid ng pinto ang asawa. Wala itong suot na pang-itaas, kaya nama'y humantad sa paningin niya ang katawan nitong matagal na nah

Hindi malaman ni Meadow kung bakit siya biglang kinabahan. Nakaupo siya at kasalukuyang hinihintay ang pagdating kaniyang OB-gyne. May mga nauna pang buntis sa kaniya at panglima siya sa nakalista. Sa kasamaang palad ay nag-anunsiyo ang secretary ng ob na mali-late ng dating ang doktora, na sinang-ayunan niya. Gusto niyang nasa tabi na ang asawa kapag isasalang na siya sa ultrasound.Panay ang tingin niya sa relong nakasabit sa dingding ng clinic. Maya't maya ang pagpakawala niya ng malalim na hininga."Paula, tawagan mo nga si Aedam, please!""Sige po." Tumalima ito. Ewan ba niya kung bakit halos magbuhol-buhol na ang dibdib niya sa sobrang kaba. Hindi siya mapakali. Tumayo siya't marahang humakbang. Ang bodyguard ay nakasubaybay lang sa kaniya."Ma'am, hindi po sumasagot si Sir. Baka po'y nasa meeting na."Napahinto siya sa paghakbang. Ang bilis namang makarating ng asawa niya. Mula sa clinic na kinaroroonan ay aabutin ito ng twenty to thirty minutes, depende pa nga sa traffic. "M

Hindi mapalagay si Meadow, bakas sa mukha ang matinding takot at may kasamang lungkot. Nasa sasakyan na sila, ang driver na ni Avi ang nagsundo sa kanila, habang ang anak ay nasa school pa. Nagpapadaan siya sa lugar na tinutukoy ni Jack, pero mariing tumanggi si Simon. Sinasabi nito na delikado pa kung susuong pa sila roon. "Paula, wala pa bang chat si Jack?" "Wala pa po," tugon nito na sinamahan ng iling. Lalo siyang nakadama ng takot. Kaninang nasa clinic ay nawalan na siya ng malay, hindi niya kinaya ang masamang balita. "Aedam..." Ipinikit niya ang mata at taimtim na nanalangin. Dasal niyang sana'y ligtas ang asawa. Nakiusap si Meadow sa mga bodyguard na dumaan sa pinangyarihan ng aksidente, pero mariing tumanggi si Simon. "Kabilin-bilinan po sa amin ni Sir Jack na ideritso ka na sa mansyon, Ma'am," sabi nito. Hindi na siya nakipagtalo pa. Iniisip niya rin ang anak na nasa sinapupunan. Nang magkamalay siya sa clinic ay binilinan siya ng doktor na mag-ingat.

Gusto sanang sumama ni Meadow kay Jack, babalik ito sa pinangyarihan ng insidente, pero mariing tumanggi ang binata. Hindi siya pinayagan ng tatlong lalaki. "Isipin mo ang sanggol na nasa sinapupunan mo, Meadow," sabi pa ni Drake. Wala siyang nagawa kundi hayaan ang tatlong umalis. Sumama si Drake at Zeus kay Jack, baka sakali raw na makatulong sa paghahanap kay Aedam. Ngayon ay mag-isa na siya sa malawak na living room. Naiwang blangko ang isipan, hindi alam kung ano ang gagawin. Hindi niya kakayanin kung mawawala si Aedam sa buhay niya. Aaminin niya, nang pumasok siyang secretary nito, nagagalit siya sa tuwing pagagalitan nito kahit wala namang dahilan. Nagtatago siya sa cr para ilabas ang lahat ng bigat nasa dibdib. Tiniis niya ang mga masasakit na salitang natatamo rito, hindi dahil sa utos ni Brenda, kundi sa mahal niya ito at ayaw niyang mapahamak. Pero, nang gabing aksidenteng may nangyari sa kanilang dalawa, doon na siya nagpasyang umalis. Huminga siya ng malalim at pilit

"Mommy, where's daddy?" Napahinto si Meadow sa paglalagay ng kanin sa pinggan ng anak. Nahugot din niya ang kaniyang hininga. Nag-apuhap siya ng idadahilan. Sinulyapan niya si Manang Fe na katabi ng bata. Kasama nilang kumain ang mga kasambahay, pinasabay na niya para marami sila sa hapag-kainan. "M-may t-tinatapos pa anak sa office si daddy," dahilan niya. Nabubulol pa siya. "Ang tagal namang dumating. Ipapakita ko ang mga nagawa ko sa kaniya, 'tsaka, hihingi ako ng reward.""Anak, ano ang sabi ko sa iyo?""E, mommy, hindi naman po para sa akin ang hihingin ko kay daddy, 'di ba Ate Eliza?" Bumaling ito sa dalaga na nasa tapat nito. Nangingiting tumango si Eliza. "Para sa mga street children."Umingos siya, kunwaring naggalit-galitan. "Huwag ko lang mabalitaan na nanghihingi ka na naman, Avi, ha! Mapapalo na talaga kita!" sermon niya rito. "Relax, mommy. Ang puso mo. Sige ka, papangit si baby niyan," tugon ng anak niya na may kasama pang kumpas ng kamay.Lihim siya natawa sa ina