LALAINE Asawa? Kung gaano kabigat bigkasin ang salitang iyon ay ganoon rin ka-timbang ang responsibilidad na dapat obligahin. Paano ako naging asawa ni Mr. Valerio? Wala akong naaalalang may nangyaring ganoon? Higit pa'y wala kaming sapat na koneksyon. Binili lamang niya ako sa malaking halaga, kapalit ay ang trabaho ko para rito na painitin ang buo nitong magdamag. Subalit hindi iyon nangyari. Sa halip ay hinayaan ako nito na makauwi sa Pilipinas, namuhay nang mapayapa kasama ang ina at ang bunsong kapatid. Paanong bigla-bigla lamang itong mag-aanunsyo na asawa nito ako? Siguradong mayaman si Mr. Valerio. Hindi matatapatan ng pera ko ang kayamanang mayroon ito. Magagawa nito lahat ang gustong gawin, samantalang ako, nakausad man sa buhay ay limitado pa rin ang perang pambayad kahit may mga kabi-kabilaang projects naman. May mga naipundar ako. Kami ng pamilya ko ngunit sapat lamang iyon upang may matawag kaming tirahan o masisilungan sa tuwing sasapit ang tagtuyot at tag-ulan
최신 업데이트 : 2026-03-20
