All Chapters of I Was His Wife, But Never His Choice: Chapter 1 - Chapter 5

Sa loob ng master bedroom na halos nilalamon na ng dilim, tahimik ang lahat, maliban sa mahihinang ingay ng lungsod na pilit sumisingit sa katahimikan. Kahit umaandar ang aircon, hindi nito tuluyang mapawi ang nananatiling init ng summer vibes na kumakapit sa balat. Napatingin ako sa bahagyang nakabukas na bintana, hindi ko namamalayan, pumapasok na pala ang mabagal at maalinsangang hangin, dala ang pamilyar na amoy ng gabi. Parang may sariling buhay ang hangin, na dahan-dahang gumagapang sa loob ng kwarto, pinupuno ito ng bigat na hindi maipaliwanag.Marahan kong naririnig ang paggalaw ng makapal na kurtina, habang ang maputlang liwanag ng buwan ay sumisingit sa pagitan nito, gumuguhit ng mga anino sa loob ng silid.Nagpalinga-linga ako sa paligid, napakalaking kwarto, habang kaming dalawa ay nasa gitna. Oo, kaming dalawa. Ang lalaking kasama ko ay halata mong marami ang nainom na alak. Paano ko nasabi? Dahil sa bawat galaw niya para bang bigat na bigat siya sa sarili niya, dahil m

Hindi makapaniwala si Atty. Diane. “Sige, bukas magkita tayo, magusap tayo.” hindi ko na ako nakapagpaalam, binaba ko na agad ang tawag niya. ***Kinabukasan…Tahimik na nakaparada ang puting Porsche Panamera ko sa gilid ng kalsada sa loob ng eksklusibong subdivision sa dito sa Alabang, malalapad ang daan, tahimik, may mga puno ng acacia at narra na nagbibigay-lilim, at may mga guard na paikot-ikot sa patrol.Sa harap namin, isang marangyang villa din. Modernong disenyo, may malalaking salamin, malinis ang linya ng arkitektura, at halatang pinag-isipan ang bawat detalye. Napailing si Atty. Diane. “Grabe! Hindi ako makapaniwala, Clarissa. Bakit naisip pa ni Adrian na halos magkatapat pa ang mga bahay niyo ng babae niya.” mahina niyang sabi. “Hindi ko masabing ‘kamukha’ ng bahay niyo, pero parang eksaktong kopya siya.”Pagkasabi niya, agad niyang napagtanto ang sinabi niya.Napakagat siya sa labi at mabilis na tinakpan ang bibig.“Sorry…”Dahan-dahan siyang napalingon sa akin, haba

Naka-custom tailored na business suit si Mika, malinis ang pagkakatahi, eksaktong akma sa kanyang payat at elegante na katawan. Ang mahaba niyang buhok, kulay cool brown, ay naka-soft waves na maayos na nakapatong sa kanyang balikat.Sa bawat hakbang ng mataas niyang heels sa marmol na sahig ng lobby, ingay na nanggagaling sa heels niya lang ang tanging maririnig. Aakalain mong siya ang may-ari ng kumpanyang ito, kung umasta siya ay tila makapangyarihan siya. Habang naglalakad siya, bahagya siyang nakatagilid sa kanyang assistant na si Lyn, nagbibigay ng instructions sa mahinang boses pero sapat na para marinig ko iyon.“Make sure finalized na yung export shipment sa Hong Kong by Friday, and check mo yung pricing ng new collection, I want a revised margin.”“Yes, Ma’am,” mabilis na sagot ni Lyn.Ibang-iba na siya sa dating Mika, ngayon, makikita mo na siyang isang tunay na corporate leader, isang babaeng kayang humawak ng kumpanya.At isang babaeng, kayang agawin ang buhay ng iba, ul