LESLIE POVHindi ko alam kung ano ang mas nakakainis ang katotohanang wala pa rin akong progress sa paghahanap ng vault o ang katotohanang simula noong gabing iyon ay hindi na mawala sa isip ko ang ngiti ni Drake. Tatlong araw na ang lumipas mula nang sabay kaming maglakad sa ilalim ng iisang payong. Tatlong araw na rin mula nang makita ko siyang ngumiti nang totoo. At sa loob ng tatlong araw na iyon, pakiramdam ko ay may mali sa akin. Dahil sa tuwing naaalala ko ang eksenang iyon, bigla na lang bumibilis ang tibok ng puso ko.Nakaupo ako sa loob ng classroom habang nakatingin sa notebook ko. Kunwari ay nagsusulat ako ng notes, pero ang totoo ay wala akong naiintindihan sa lecture. Ang laman ng isip ko ay hindi ang lesson. Kundi si Drake. Hindi ko alam kung bakit parang paulit-ulit bumabalik sa isip ko ang bawat maliit na bagay na ginawa niya nitong mga nakaraang araw."Okay, that's it," mahina kong bulong sa sarili ko. May problema na talaga ako. Hindi normal na ganito kadalas kong i
اقرأ المزيد
