All Chapters of لعبة الدومينو: Chapter 21 - Chapter 30

​دخل سيد المطبخ، وبـ خفته المعتادة جهّز أكلة حِلوة وسخنة تِرم عضمها، ودخل الأوضة شايل الصينية وعينيه مَ نزلتش من عليها. قعد جمبها، وبدأ يأكلها بـ إيده بـ حنان غامر.. وكل شوية يرفع إيده الخشنة بـ رقة يِـلمس خصلات شعرها و يِـمشي صوابعه على وشها كأنه بـ يِـتأكد إنها حقيقة مِش حلم.​عينه مَ نزلتش من على منى لـ ثانية واحدة، لحد ما منى نزلت المعلقة لـ ثواني، وبصت له بـ دلال وقالت بـ ضحكة صافية:"مالك يا سيد؟ عينك وكلاني من ساعة ما دخلت."​سيد أخد نَفَس طويل، وسند ظهره وهو بـ يِـقول بـ نبرة كِـلها شجن:"هـ تِـجنن يا منى.. دماغي مِش مستوعبة كل اللي إحنا فيه."​منى عدلت قعدتها وبصت له بـ اهتمام وقلق حنين:"في إيه بس يا حبيبي؟"​سيد سِـرح فيها بـ حب وشوق كِـبير، وبص عليها وهي جمبه ورِجع بص لـ يوسف ابنه اللي نايم في سريره، ونطق بـ صوت رخيم كله مشاعر دافية:"مِش مصدق إنك بقيتي مراتي خلاص.. الشابة اللي كنت بـ شوفها زمان داخلة وخارجة على بيتنا، وفيها غرور كدة وثقة، لدرجة إني كنت بـ النسبة لها حتة عيل صغير.. مِش مصدق إنها قاعدة دلوقتي جمبي و بـ تِـديني الاهتمام والحب ده كله.. مِش مصدق إنك حملتي وخلف

الساعة كانت بتدق أربعة الفجر، والهدوء حلّ على الحارة كأنها مِتبنجة، مفيش غير صوت كلاب السكك بتهوّهو من بعيد، ونور كشافات الشارع بيرعش بخفى..​في لِمحة صامتة، ظهر من أول الزقاق موتوسيكل "صيني" مطفي كشافه، بيزحف على الأرض بالصوت المكتوم لحد ما وقف مِتداري ورا عربية ربع نقل مركونة قصاد البيت بتاع سيد.. الراجل اللي سايق كان لابس كاب منزل حوافه على عينيه، وسيجارته مِتدارية في كف إيده عشان نورها ميبينش ملامحه.. ده كان "برعي".بص لـ بلكونة شقة سيد اللي كانت ضلمة، وتفّ على الأرض بغِل وبصوت واطي همس:"ماشي يا سند.. المعلم هلال بيمسي عليك، والأيام بيننا."​وفضل الواد مرزوع في مكانة، عينه منزلتش من على مدخل البيت والساعات بتمر عليه ببطء.. لحد ما خيوط الشمس بدأت تشقشق، والمنطقة بدأت تصحى والحركة تدب في الدكاكين..​على الساعة تسعة الصبح كدة، البوابة الحديد بتاعة البيت اتفتحت.. وخرج سيد بطوله وعرض كتافه، وشه رايق وعينيه الصاحية بتلف الحتة كالعادة، ووراه منى شَبكة إيدها في إيده وساندة يوسف الصغير على كتفها بحنان..برعي لمّ نفسه ورا العربية، وضيق عينيه وهو بيسجل المواعيد والدخلة والخرجة في نفوخه، ولق

عدى اليومين زي الجمر على قلب سيد ومنى، المعرض كان مقفول بـ "الضبة والمفتاح" زي ما مصطفى طلب، مفيش حد دخل، ومفيش بضاعة اتحركت.​وفجأة.. الصبح بدري، قبل ما الشوارع تِـزحم، الحارة كلها اتهزت بـ عربيات البوليس اللي حاصرت المعرض من كل حتة. سيد كان لسه بـ يشرب قهوته في المعرض القديم، شاف المنظر، نزل بـ سرعته المعهودة، بس قبل ما يوصل، كان المأمور بـ نفسه نازل من عربيته ومعاه قوة أمنية كبيرة.​الظابط بَص لـ سيد بـ نظرة مَـلفتة للنظر، وقرّب منه وقال بـ نبرة حادة:"سيد السند.. المعرض اللي اشتريته من أهل هلال من يومين.. افتح لي المخزن السري اللي في الضهر فوراً!"​سيد قلبه دق، بس ملامحه فضلت ثابتة، وبعت مصطفى يفتح. لما فتحوا المخزن، كانت المفاجأة.. أكوام من الشكاير اللي ريحتها فضحاها.. مخدرات!المأمور بَص لـ سيد بـ عتاب حاد، ووشوشه بـ صوت واطي:"إنت غبي يا سيد؟ سيبت مشاكل السوق كلها وراحت تاخد معرض هلال؟ إنت عارف إنت وقعت في إيه؟ دي قضية تجارة في الممنوعات، يعني إعدام أو مؤبد!"​سيد بَص للمأمور بـ ثقة وهدوء، رغم إن دقات قلبه كانت زي الطبل:"يا فندم، أنا بقالي يومين بـ استلم المعرض، ومن ساعة ما مض

​سيد دخل البيت ووشه لا يبشر بخير، عروق رقبته بارزة وعيونه بتلمع بشرر الغضب. لقى "منى" منهارة، قاعدة على الأرض بتلطم وبتصرخ، أول ما شافته جريت عليه وهي بتنتفض: "يوسف راح يا سيد! ولاد الحرام دخلو عليا وخدوه من إيدي.. اعمل حاجة يا سيد، ابني بيضيع!"​سيد اللي أعصابه كانت واصلة لمرحلة الانفجار، بدل ما يضمها ويطمنها، صرخ فيها بصوت هز أركان البيت: "إزاي يعني؟ إزاي يدخلوا عليكي وإنتي في قلب بيتك؟ إنتي كنتي فين؟ كنتي فين لما خدوا حتة مني ومنك؟ إهمالك ده اللي ضيعنا يا منى!"​منى اتصدمت، دموعها وقفت للحظة، وبصت له بكسرة وذهول: "إهمال؟ إهمالي أنا؟ ناس ملثمة دخلوا عليا، في إيدي سلاح ولا في إيدي قوة أعمل إيه؟ كنت لوحدي يا سيد.. لوحدي! بدل ما تواسيني وتجيبلي حق ابني، جاي تلومني؟"​سيد حس بالضيق والخنقة بيطبقوا على صدره، ضغط على إيديه بقوة عشان يسيطر على غضبه، وفجأة استوعب حجم الكارثة. هي عندها حق.. لو كانوا أرادوا أذيتها مكانوش هيترددوا، كويس إنهم اكتفوا بخطف الواد وما أذوش أمه. قرب منها ببطء، ومد إيده عشان يمسح دموعها، وقال بصوت مهزوز: "حقك عليا يا منى.. أنا آسف، أعصابي منهارة ومشش شايف قدامي.. يوس

اليوم كان تقيل، والتوتر اللي كان محبوس جوه جدران المحل كمل معاهم لحد باب الشقة. أول ما دخلوا، منى شالت يوسف بهدوء، وكأنها بتهرب من نظرات سيد الجافة، حطت الولد في سريره وخرجت للصالة، بتحاول بكل قوتها "تعدي الليلة".​وقفت قدام سيد اللي كان قاعد على طرف الكنبة، ملامحه متخشبة من التعب، وبصوت فيه محاولة يائسة للود قالت: "أعملك حاجة تاكلها؟ إنت من الصبح مكلتش لقمة.. أنا جهزت الأكل."​سيد من غير ما يرفع عينه، رد بصوت خافت ومتحجر: "مليش نفس. كلي إنتي، وأكلي ابنك."​كلمة "ابنك" نزلت على منى زي الصاعقة، حست إنها بتترجم البعد اللي هي حاساه، فردت بعفوية -كانت المفروض تكون أهدى من كده-: "إيه 'ابنك' دي؟ ما هو ابنك إنت كمان يا سيد!"​سيد انتفض، نظراته اللي كانت باردة اتحولت لشرار، وقف في وشها وصوته ارتفع بنبرة كلها مرارة: "والله عارف! مش محتاج تفكريني إنه ابني.. أنا عارف أنا مين وعارف هو مين!"​منى، ومن غير ما تحس، الغلطة اللي كانت بتحاول تتفاداها وقعت فيها، وبدون تفكير قالت بصوت فيه نبرة استنكار: "إنت بتتكلم كدة ليه؟ هو إنت غيران من ابنك؟"​سيد حس إن القشة اللي كانت فاضلة في صبره اتكسرت. قرب منها ب