All Chapters of Billionaire Daddy, Please Marry My Mommy : Chapter 21 - Chapter 30

3rd Person POVMatapos masigurong maayos na si Senna sa guest room ng penthouse niya, hindi doon nagpalipas ng gabi si Lucien. Dumiretso siya sa mansyon ng pamilya Ellington, at pagpasok pa lang niya sa sala ay sinalubong na siya ng galit na boses ng kanyang ama.“Ano bang pumasok sa kokote mo at bigla ka na lang umalis sa engagement party ninyo ni Cassandra?” galit na tanong ng Chairman habang nakatayo sa gitna ng sala. “At ano itong nabalitaan kong ginamit mo ang company chopper nang walang approval ko?”Hindi agad sumagot si Lucien.Nang hilahin siya ni Cassandra pabalik sa ballroom kanina, pilit niyang binalewala ang nangyayari kay Senna sa service parking. Personal na problema iyon ng babae at wala siyang obligasyong makialam.Pero hindi siya mapakali.Kaya bago pa tuluyang magsimula ang engagement program, bumalik siya sa service area. Doon niya nakita mula sa malayo si Senna na tumatakbo habang hinahabol ng mga lalaking nakausap nito kanina. Sinundan niya ang direksyong tinakbo

SENNAHindi ako agad nakagalaw.Mahigpit kong hawak si Ashley habang nakatitig kay Lucien. Ilang segundo na ang lumipas mula nang itulak siya ng anak ko, pero wala pa ring nangyayari.Hindi namumula ang balat niya. Hindi siya hinihingal. Hindi rin siya nanginginig o nahihirapang huminga katulad noong nakita ko siya sa restaurant.Si Lucien naman ay parang hindi rin makapaniwala.Tahimik lang siyang nakatayo sa harapan namin habang nakatingin kay Ashley. Ilang beses siyang napakurap na para bang hinihintay niyang may mangyari sa katawan niya.Pero wala.“Mommy, bakit po siya nakatingin sa akin?” tanong ni Ashley habang mas lalong kumakapit sa kamay ko.Agad ko siyang inilapit sa akin.“Wala iyon, baby,” sagot ko habang hinahaplos ang buhok niya. “Pasok ka muna sa loob.”Pero bago pa ako makagalaw, biglang kinuha ni Lucien ang cellphone niya.“Adrian, come here,” utos niya habang hindi inaalis ang tingin kay Ashley. “Now.”Napakunot ang noo ko.“Ano’ng ginagawa mo?” tanong ko habang agad

SENNAKinabukasan, paggising ko ay dalawang bagay agad ang pumasok sa isip ko.Una, empleyado na naman ako ng Ellington Biopharm Corporation.At pangalawa, hanggang ngayon ay hindi ko pa rin maintindihan kung bakit walang nangyari kay Lucien nang hawakan siya ni Ashley.Mas madali sanang problemahin ang una. Kahit nakakainis isipin na basta na lang akong ibinalik ni Lucien sa trabaho nang walang pahintulot ko, naiintindihan ko naman kung bakit niya iyon ginawa noong gabing nawala ako sa kagubatan. Ang hindi ko maintindihan ay kung bakit ayaw niya akong tanggalin ulit ngayong tapos na ang emergency.Pero mas ayaw kong isipin iyong pangalawa.Biological connection.Ilang beses nang bumalik sa isip ko ang term na ginamit ni Dr. Adrian. Hindi naman niya sinabing siguradong may ganoong koneksyon sina Ashley at Lucien. Theory lang daw iyon. Possibility. Pero kahit ilang beses kong ipaalala iyon sa sarili ko, hindi nawawala ang kakaibang pakiramdam sa dibdib ko.Bandang alas-diyes ng umaga,

SENNAIlang araw matapos ipakita ni Dr. Adrian ang results tungkol kay Lucien at Ashley, pinapunta ako ng HR sa Ellington Biopharm para ayusin ang employment status at benefits ko.Hindi pa tuluyang magaling ang paa ko. Kaya ko nang maglakad nang mas maayos, pero naka-ankle support pa rin ako at bawal tumayo nang matagal. Ayon kay Dr. Adrian, kailangan ko pa ng ilang araw bago ako puwedeng bumalik sa normal na trabaho.Pagdating ko sa HR, agad akong dinala ng isang staff sa maliit na conference room. May ilang documents nang nakahanda sa mesa.“Active na po ulit ang employee profile ninyo, Ma’am Senna,” paliwanag ng HR staff habang inilalapag sa harapan ko ang mga forms. “Kasama na rin po ulit ang health insurance, medical coverage, at iba pang employee benefits ninyo.”Napatingin ako sa effective date na nakalagay sa form.Parehong gabi iyon nang mawala ako sa kagubatan.Kahit alam ko na kung bakit ginawa ni Lucien iyon, kakaiba pa ring isipin na habang sugatan at nawawala ako sa git

SENNAKinabukasan, habang inaayos ko ang mga gamit ko bago pumunta sa Ellington Biopharm para sa light duty, biglang tumunog ang cellphone ko.Napahinto ako nang makita ang pangalan sa screen.Si Dad ang tumatawag.Hindi kami iyong tipo ng mag-ama na nagtatawagan para mangumusta. Matapos niya akong itakwil limang taon na ang nakalipas, halos wala na kaming matinong pag-uusap maliban noong bumalik ako sa mansion para humingi ng tulong para kay Ashley.Kaya alam kong may problema.“Hello, Dad?” bati ko habang sinasagot ang tawag.“Anong ginawa mo kay Lucien Ellington?” malamig na tanong ni Daddy mula sa kabilang linya.Napakunot agad ang noo ko. “Ano pong ibig ninyong sabihin?” tanong ko habang inilalapag ang bag sa mesa.“Huwag mo nang pagtakpan, Senna,” mariing sabi niya. “Alam kong nagtatrabaho ka ulit sa kompanya niya. Ngayon naman, ayaw na niyang ituloy ang engagement niya kay Cassandra dahil ikaw daw ang gusto niyang ipalit.”Nanigas ako.“Ano?” tanong ko habang humihigpit ang hawa