All Chapters of Billionaire Daddy, Please Marry My Mommy : Chapter 11 - Chapter 20

24 Chapters

Chapter 011 – Anything to Save My Daughter

Part OneSENNAPagkauwi namin mula sa ospital, halos hindi pa ako nakakapagpahinga nang maalala ko ang text message na natanggap ko tungkol sa part-time work sa catering service.Agad kong kinuha ang cellphone ko at muling binasa ang message.[ May kakilala akong naghahanap ng part-time staff sa catering service. Kailangan nila ng waitress at kitchen helper. Hindi kalakihan ang sahod pero puwedeng magsimula agad. Interested ka? ]Napatingin ako kay Ashley na nakahiga sa kama habang tahimik na naglalaro ng stuffed toy niya.Hindi na ako puwedeng mamili ng trabaho.May gamot siyang kailangang bilhin. May renta kaming kailangang bayaran. May pagkain at araw-araw na gastusin. At higit sa lahat, may isang milyon akong utang na kailangan kong bayaran sa loob ng apat na buwan.Agad kong tinawagan ang numerong ibinigay sa akin.“Hello po. Ako po si Senna Chavez. May nagsabi po sa akin na naghahanap kayo ng part-time staff,” bungad ko habang nakaupo sa maliit na mesa ng apartment namin.“Yes, h

Chapter 011 – Anything to Save My Daughter

Part TwoSENNADoon nagsimula ang bago kong routine.Kapag may catering event, pumapasok ako bilang waitress o kitchen helper. Kapag walang booking, naghahanap ako ng ibang puwedeng pagkakitaan.Hindi na mahalaga sa akin kung anong trabaho iyon. Basta marangal, may bayad, at may maiuuwi akong pera para kay Ashley.Nag-online selling ako ng mga damit at gamit na hindi na namin kailangan. May ilang branded bags pa akong natira mula noong maayos pa ang buhay namin ni Mavix. Dati, iniingatan ko pa ang mga iyon dahil mahal ang bili ko, pero ngayon, kahit halos kalahati lang ng original price ang ibinabayad sa akin, ibinenta ko pa rin.Ano pa bang gagawin ko sa mamahaling bag kung wala naman akong pambili ng gamot ng anak ko?Naglinis din ako ng condo units kapag may nagpapahanap ng cleaner. May isang araw na dalawang unit ang nilinis ko mula umaga hanggang hapon. Pagkatapos no’n, dumiretso pa ako sa catering event sa gabi.May mga araw ding nagpa-pack ako ng parcels para sa isang online sho

Chapter 012 – A Stranger’s Kindness

SENNADumating ang araw ng malaking catering event na sinabi ni Ma’am Liza. Maaga pa lang ay nakahanda na ako. Ang problema, ilang minuto bago ako umalis ay tumawag ang aking kapitbahay na pinakiusapan kong magbantay sana kay Ashley. Hindi raw siya makakapunta dahil may emergency sa pamilya nila.Napahawak ako sa noo.Hindi ko pwedeng iwan mag-isa si Ashley. Pero hindi ko rin kayang hindi pumasok. Mas mataas ang bayad sa event na ito kaysa sa karaniwang booking namin.Wala akong ibang choice kundi isama siya.Pagdating namin sa catering office, agad akong lumapit kay Ma’am Liza habang hawak ang kamay ng anak ko.“Ma’am, pasensya na po. Biglang hindi po makakapunta iyong magbabantay sana kay Ashley. Pwede po bang dito lang siya sa staff lounge habang nagtatrabaho ako?” pakiusap ko habang bahagyang hinihigpitan ang hawak sa kamay niya.Tiningnan muna ni Ma’am Liza si Ashley bago napabuntong-hininga.“Sige,” sagot niya habang itinuturo ang staff area. “Pero siguraduhin mong hindi siya la

Chapter 013 – The Debt I Couldn’t Escape

SENNAApat na buwan na ang lumipas mula nang magsimula akong tumanggap ng kung anu-anong trabaho para lang maitaguyod kaming mag-ina.Sa loob ng apat na buwang iyon, halos wala na akong araw na walang ginagawa. Kapag may catering event, pumapasok ako bilang waitress o kitchen helper. Kapag walang booking, naglilinis ako ng condo, nagpa-pack ng parcels, nagluluto ng packed meals, o nagbebenta online ng kahit anong puwedeng pagkakitaan.Malaking tulong ang limang daang libong pisong ibinigay sa akin ni Ma’am Emery, pero mabilis din iyong nabawasan. May mga gamot si Ashley na kailangang bilhin, laboratory tests, consultations, hospital visits, renta, pagkain, at iba pang gastusing hindi puwedeng ipagpaliban.Hindi ko pinagsisihan kahit isang piso.Kung para kay Ashley, kahit maubos pa lahat ng pera ko, ayos lang.Ang problema, may isa pa akong obligasyong hindi ko kayang takasan.Ang isang milyon kong utang.Naupo ako sa maliit na mesa ng apartment namin at binuksan ang notebook kung saa

Chapter 014 — The Engagement I Shouldn’t Have Seen

SENNANanatili akong nakatayo sa harap ng mansion habang nakatingin sa malaking floral signage malapit sa entrance.Kanina pa kakaiba ang pakiramdam ko mula nang makilala ko ang daan papunta rito. Pero ngayong nakatayo na ako mismo sa De Alcantara Mountain Estate, mas lalo akong hindi mapakali.Ito ang lugar kung saan marami akong alaala kasama si Mommy.At ngayon, bumalik ako rito bilang catering staff.Huminga ako nang malalim bago muling itinuon ang tingin sa signage.Doon ko tuluyang nabasa ang nakasulat.THE ENGAGEMENT CELEBRATION OFLUCIEN ELLINGTON & CASSANDRA DE ALCANTARANanigas ako.Parang ilang segundo akong nakalimutang huminga habang paulit-ulit kong binabasa ang dalawang pangalan.Lucien Ellington At Cassandra De Alcantara.Hindi nga ako nagkamali.Ang engagement party na pagtatrabahuhan ko ngayong gabi ay para sa dating boss kong nagtanggal sa akin at sa sarili kong half-sister.Biglang bumalik sa isip ko ang araw na pumunta ako sa mansion para humingi ng tulong kay Dad

Chapter 015 - Caught in the Kitchen

SENNAHindi ko alam kung gaano katagal kaming nagkatitigan ni Lucien mula sa magkabilang bahagi ng ballroom.Siguro ilang segundo lang iyon, pero pakiramdam ko napakatagal.Bahagyang kumunot ang noo niya habang diretso lang sa akin ang tingin. Bumaba iyon sandali sa catering uniform na suot ko bago muling bumalik sa mukha ko.Agad akong umiwas ng tingin.Hindi ako naroon para ipaliwanag sa kanya kung bakit ako nagtatrabaho bilang waitress. Hindi ko rin kailangang malaman kung ano ang iniisip niya tungkol sa akin.Trabaho lang ito.Kailangan ko lang tapusin ang shift para makauwi nako.Huminga ako nang malalim bago lumapit sa unang mesa at nagsimulang mag-serve ng appetizers.“Would you like some, Ma’am?” tanong ko sa isang guest habang bahagyang inilalapit ang tray sa kanya.“Yes, thank you,” sagot ng babae habang kumukuha ng isang appetizer mula sa tray.Ngumiti ako nang magalang bago lumipat sa susunod na mesa.Ilang grupo pa ng bisita ang nilapitan ko. Habang tumatagal, unti-unti ri

Chapter 016 – One Million Pesos

SENNANanlamig ang buong katawan ko nang makita ko si Peter na bumababa sa van. Siya ang lalaking pinagkakautangan ko ng isang milyon. At mas lalo akong kinabahan nang may sumunod pa sa kanya.Kasunod niyang bumaba ang dalawa pang lalaki. Nakilala ko rin agad ang isa sa kanila. Kasama siya ni Peter noong araw na pumunta ako sa kanila para mangutang ng isang milyon.Napaatras ako nang isang hakbang habang mahigpit na hawak ang cellphone ko.Hindi ko maintindihan kung paano nila nalaman na nandito ako.“Ano’ng ginagawa ninyo rito? Paano ninyo nalaman na nandito ako?” tanong ko habang pilit na pinatatatag ang boses ko.Ngumisi si Peter habang dahan-dahang lumalapit sa akin.“Hindi na mahalaga kung paano namin nalaman, Mrs. Chavez,” sagot niya habang inilalagay ang dalawang kamay sa bulsa ng pantalon niya. “Ang mahalaga, nagkita na tayo. Lumampas ka na sa usapan natin.”Mabilis akong napalingon sa service entrance.Hindi naman kami ganoon kalayo sa mansion, pero nasa pinakatahimik na baha

Chapter 017 – Lost in the Dark

SENNAHindi ko alam kung gaano na ako kalayo mula sa estate. Ang alam ko lang, patuloy akong tumatakbo.Sumasabit sa damit ko ang mga sanga at matataas na damo habang pilit akong lumulusot sa pagitan ng mga puno. Halos wala akong makita dahil sa dilim. Naririnig ko pa rin ang mga yabag sa likuran. Hinahabol pa rin nila ako.“Senna! Huwag mo na kaming pahirapan! Kung hindi ka titigil sa pagtatago dyan, mapipilitan talaga kaming gumawa ng marahas na paraan para pagbayaran iyon!” sigaw ng isang lalaki mula sa hindi kalayuan.Hindi ako lumingon. Mas lalo akong tumakbo kahit hinihingal na ako. Hindi ko na alam kung saan ako papunta. Basta kailangan ko lang makalayo sa kanila. Kailangan kong makabalik sa anak ko.Iyan ang mga salitang paulit-ulit na pumapasok sa isip ko.Naghihintay sa akin si Ashley. Hindi ako puwedeng mahuli ng mga lalaking iyon.“Senna, sa oras na makita ka namin, hindi ka makakalabas ng buhay pa dito!” sigaw ng isa pa habang naririnig ko ang pagkaluskos ng mga halaman

Chapter 018 – The Billionaire’s Chopper

A/N: Play “Stay With Me” by Chanyeol & Punch as background music while reading this chapter! SENNA Hindi nga ako nagkamali. Si Lucien nga. Parang biglang bumagal ang paligid habang pinapanood ko siyang bumaba mula sa chopper. Sa lakas ng hangin mula sa umiikot na blades, nagliliparan ang mga dahon at damo sa paligid, pero parang wala akong marinig kundi ang mabilis na tibok ng puso ko. Paano niya nalaman na nandito ako? Bakit siya umalis sa sarili niyang engagement party? At higit sa lahat, bakit ako niniligtas ng ugok na ’to? Napailing ako sa sarili kong naiisip. “Senna, maghunos-dili ka nga,” saway ko sa sarili habang nakatitig pa rin sa papalapit niyang pigura. “Assuming ka rin, eh, no? Hindi naman siguro ikaw ang hinahanap niya. Tsaka bakit ka naman niya hahanapin? Fiancé niya si Cassandra.” Pero habang papalapit siya sa akin, lalo kong hindi maitanggi ang obvious. Sa akin talaga siya papunta. May ilang security personnel na kasunod niya, pero si Lucien ang unang nakal

Chapter 019 - More Important Than His Engagement

SENNA“It’s late and you’re injured,” sagot niya habang diretso akong tinitingnan. “Hindi kita pauuwiin nang mag-isa ngayong gabi.”Agad kong naisip si Ashley.“Pero may naghihintay sa akin sa bahay. Kailangan ko pong umuwi,” sabi ko habang nag-aalala.Hindi ko na alam kung ano pang sasabihin ko. Ang gusto ko lang talaga ay makauwi kay Ashley.Siguro napansin iyon ni Lucien dahil ilang segundo niya akong tinitigan bago siya bahagyang napabuntong-hininga.“Sige, ihahatid kita,” sabi niya habang tumatalikod papunta sa private elevator. Makalipas ang ilang minuto, nasa loob na kami ng isang itim na luxury car. May driver sa harapan habang magkatabi kami ni Lucien sa backseat. Nakaangat nang kaunti ang paa ko dahil sa sprain, at tahimik lang akong nakatingin sa labas ng bintana habang dumaraan ang mga ilaw ng siyudad.Hindi rin nagsasalita si Lucien.Paminsan-minsan ay napapatingin ako sa kanya. Nakatitig lang siya sa cellphone niya na parang wala siyang pakialam sa nangyari buong gabi. K

1 2 3

SCAN CODE TO READ ON APP