Semua Bab Oops! Our Accidental Babies Made Us One : Bab 11 - Bab 20

Halos lumabas muli ang mga mata ni Eiden sa tindi ng kapangahasan ng babaeng nagngangalang Kiara. Akala niya ay matatauhan na ito pagkatapos itong mahuli sa akto ng "ex-boyfriend" nito o kung sinuman ang lalaking iyon, ngunit heto at mas lalo pang naging pursigido.Tumingin si Eiden sa kambal na ngayon ay nakatingala sa kanila nang may naglalakihang mga mata. Halatang sumasagap sila ng bawat detalye. Napagtanto niyang hindi sila makakapag-usap nang maayos ni Kiara kung naroon ang mga bata."Kairo, Kara," tawag ni Eiden, pilit na pinapakalma ang kaniyang boses. Dinukot niya ang kaniyang pitaka mula sa bulsa at kumuha ng isang daang piso. "Pumunta muna kayo doon sa katabing stall kasama si Kuya Guard niyo. Bumili kayo ng ice cream.""Talaga po, daddy?!" excited na sagot ni Kara. Bigla niyang nakalimutan ang drama kanina."Opo, pero huwag kayong lalayo. Diyan lang," utos pa ni Eiden. Sa wakas, nangopo rin ang anak niya.Sumunod naman ang mga bodyguard na maingat na giniya ang kambal patu

Pagkapasok na pagkapasok ng marangyang SUV sa dambuhalang gintong gate ng mansyon, sinalubong agad sila ng hanay ng mga kasambahay. Pero walang sinuman sa kanila ang nangahas na magsalita nang makita nilang madilim ang mukha ng kanilang amo at mas lalong walang nagtanong kung bakit basang-basa ng milk tea ang mamahaling suit nito.Bitbit ang dalawang baso ng malamig-lamig pang gatas, mabibigat ang hakbang na tinahak ni Eiden ang malawak na hagdanan patungo sa kuwarto ng kambal. Habang naglalakad, hindi pa rin mawala sa isip niya ang nangyari sa parke. Dinukot niya ang business card sa kaniyang bulsa at muling tiningnan ang pangalang nakasulat doon.Kiara. Isang simpleng sales representative sa isang jewelry shop. Napailing si Eiden. Hanggang ngayon, naguguluhan pa rin siya kung bakit hindi ito natakot o nadismaya nang sabihin niyang dalawampung libong piso lang ang neto ng sahod niya at wala siyang sariling bahay. Karaniwan sa mga babaeng nakapaligid sa kaniya, oras na malamang wala

Kinabukasan, maagang nagising si Eiden. Hindi dahil sa kailangan niyang pumasok sa opisina para sa isang emergency meeting ng kumpanya, kung hindi dahil sa dalawang pares ng maliliit na kamay na kanina pang yugyog nang yugyog sa kaniyang braso habang siya ay natutulog."Daddy, gising na po! Sabi mo tatawagan mo si Mommy Kiara ngayon!" paulit-ulit na bulong ni Kara sa tainga ng kaniyang daddy habang si Kairo naman ay nakatayo sa tabi ng kama. Hawak nito ang maliit na digital clock na nagpapakita na alas-siyete pa lang ng umaga."Kairo, Kara... maaga pa," paos ang boses na ungól ni Eiden, pilit niyang hinahatak ang kaniyang kumot paitaas."Sabi mo po kagabi kapag inubos po namin ang milk namin ay tatawag ka na. Sabi mo bad mag-lie, daddy," seryosong paalala ni Kairo, gamit ang parehong tono na madalas gamitin ng kanilang ama kapag pinapangaralan sila nito.Napilitang bumangon si Eiden. Huminga siya nang malalim, hinilot ang kaniyang sentido, at hinarap ang kaway ng kaniyang dalawang ana

Sinalubong ni Eiden ang mukha ni Kiara na bahagyang hinihingal dahil sa pag-akyat sa hagdan. Agad na sumilay ang isang malambing na ngiti sa mga labi ng dalaga nang makita siya nito."Wow, Monster Daddy, hindi ka naman nagbiro noong sinabi mong luma itong building, ah? Medyo sumakit ang binti ko sa pag-akyat," biro ni Kiara habang pumapasok siya sa loob ng apartment.Inilibot ni Kiara ang kaniyang paningin sa maliit na unit. Nakita niya ang maliit na sala, ang maingay na electric fan, at ang dalawang kuwarto na magkatapat lang. Walang kahit anong bakas ng karangyaan. Ngunit sa halip na magreklamo, ibinaba niya ang kaniyang bag sa plastik na lamesa at lumingon siya kay Eiden nang may seryosong mukha. "Nasaan ang kambal? Tulog na ba sila?" tanong niya."Gising pa sila. Nasa loob sila ng kuwarto. Pinagbawalan ko muna silang lumabas para makapag-usap tayo nang maayos," sagot ni Eiden, pilit na inoobserbahan ang bawat reaksyon ng babae. "So... ngayong nakita mo na ang totoong kalagayan ko,

"Ano? Dahil lang gusto ng mga bata? Eiden, nagkakandabaliw ka na ba talaga dahil sa pagiging single parent? Limang taon ka nang nag-iisa simula noong kinuha mo ang mga bata. Sa loob ng limang taon na 'yon, marami ng magaganda, matatalino, mayayaman, galing sa mga prominenteng pamilya, at may mga titulo sa lipunan ang sinubukan nating ipakilala sa kambal para maging bago nilang ina. At ano'ng ginawa nina Kairo at Kara sa kanila? Tinatakbuhan nila! Iniiyakan nila! Binabato nila ng mga laruang lego! Walang nakakalapit sa kanila!" Humakbang pa nang isa si Lander para salubungin ang titig ni Eiden. "Pero ang babaeng ito na sinasabi mong nagustuhan ng mga bata ay isang ordinaryong sales associate lang mula sa mall. Isa siyang babaeng may bitbit pang gulo mula sa mga manliligaw niya. Tapos ano kamo? Tinawag lang niyang 'my babies' kagabi sa parke ang kambal tapos biglang gusto na nilang maging mommy ito? Hindi ba pumasok sa utak mo na baka nag-eensayo lang ang babaeng 'yan? Baka magaling la