“Pero iyong Noah, kailangan po ba nating imbestigahan?”Kumunot ang noo ni Rafael. May kakaiba nga sa Noah na nakita niya kanina. Noong nasa kulungan pa sila, hindi mabilang ang mga pagkakataong binugbog nila ito. Pero ngayon na nagkita sila kanina, ibang-iba ang presensiya nito—matapang, malamig, at nakapanghihilakbot. Maging siya ay bahagyang natigilan. At may asawa na rin pala si Noah?Kung nasa katinuan ang isang babae, iiwasan niya ang lalaking katulad niya. Sinong babaeng may matino ang pag-iisip ang papayag na pakasalan siya?“Mag-ingat kayo sa imbestigasyon. Huwag ninyong hayaang may makaalam.” Sinindihan ni Rafael ang sigarilyo, humithit nang malalim, at saka ibinuga ang usok sa hangin.“Sir Rafael, mukhang close ang asawa ni Noah na si Miss Xeline kay Miss Dalia. Gusto ninyo po bang…”“Imbestigahan niyo rin ang asawa niya.” Naging mabagsik ang mga mata ni Rafael. “Gusto kong makita kung anong klaseng babae ang matapang na nagpakasal sa kanya at kung ano ang binabalak ng mag-
Last Updated : 2026-10-17 Read more