All Chapters of Obey Before You Beg: Chapter 1 - Chapter 4

Hindi iyon ang inaasahan niyang itsura ng isang ex-convict. Sa totoo lang, may sarili na siyang imaheng nabuo tungkol sa lalaki matapos niyang basahin ang kaniyang background. Akala niya isa ito sa mga lalaking napabayaan na ang sarili matapos ang ilang taong pagkakakulong. Marahil ay magulo ang buhok, may makapal na balbas, at bakas sa mukha ang hirap na pinagdaanan.But this man? He was nowhere near her expectations. Napakatangkad nito, malapad ang mga balikat at halatang alagang-alaga ang pangangatawan. Nakasuot ito ng mamahaling itim na suit na akmang-akma sa matikas nitong tindig. Maayos ang pagkakasuklay ng maitim nitong buhok, na lalong nagbigay-diin sa matatalim nitong facial features. Malakas ang dating ng panga nito, matangos ang ilong, at kapansin-pansin ang makapal na kilay. Ngunit ang pinakanakuha ng kaniyang atensiyon ay ang mga mata nito. Beautiful. Too beautiful. Napakaganda ng kulay at hugis ng mga iyon, ngunit may kakaibang lamig sa paraan ng pagtingin nito