Chapter 6

"Halika na,"

Tumingin si Eiress kay Nana Saling. Hindi niya namalayan na nakatigil na ang kanilang sasakyan. Nagulat siya sa sinabi ng matanda at hindi niya alam kung anong buhay ang naghihintay sa kanya dahil sa sitwasyon niya ngayon. Malayo ito sa inaasahan niya. Gusto lang niyang lumayo sa puder ng Ama ng walang kahit anong inaalala kundi sarili niya.

"Huwag kang mag-alala, hindi ka namin pababayaan sa Chipan. Mabait ang aming tribo. Tatanggapin ka nila ng walang pag-aalinlangan." Nakangiting sabi ni Nana Saling.

Napanatag ang pakiramdam ni Eiress sa sinabi nito at nagtiwala sa matanda. Bumaba siya sa sasakyan. Magkasabay silang naglakad ni Nana Saling. Na sa unahan nila ang dalawa nitong pamangkin na kasama ng matanda. Nakasunod lang siya sa paglalakad nito.

"Magpahinga muna tayo rito sandali," sambit ng matanda. Tumigil sila sa lilim ng isang puno sa tabing daan. Umupo siya sa katabi ng matanda pero agad siyang napatayo ng makitang tumatakbo palapit ang dalawa nilang kasam