Chapter 76

Duguan si Red nang makarating sa sentro ng bayan ng Janduran sakay ang kotseng iniwan niya sa bungad ng kagubatan. Tinamaan siya ng baril ng matanda sa balikat, pero nagawa pa rin niyang tumakas. Nagtungo siya sa pinakamalapit na ospital. Kaagad naman siyang dinaluhan ng mga nurse at doctor nang makita ang kundisyon niya. Nakuha ng mga ito ang balang nakabaon sa balikat niya at kasalukuyan siyang nagpapahinga sa isa sa mga silid doon.

Nakatitig lang si Red sa kisame ng hospital habang inaalala ang mga ginawa niya. Kaagad niyang ginawa ang trabaho nang umalis siya sa bayan ng Boran. Bilang tracker, hindi siya nahirapang matagpuan ang kinaroroonan ni Eiress. Marami siyang paraan para matagpuan ito at sa loob ng dalawang araw ay agad niyang nasundan ang tinahak nitong daan. Nasa ganoon siyang akto nang may pumasok sa silid. Binaling lang niya ang ulo para makita kung sino ito.

“Hindi pa sana ako maniniwala na narito ka kung hindi tumawag sa akin ang doctor mo,” saad ni Runo Villarama.

Ng