Chapter 75

Sa isang bayan na sakop ng Janduran pansamantalang tumigil si Trigger at Eiress mula sa mahabang paglalakbay. Tinutumbok nila ang daan pabalik sa bayan ng Argenxican, pero natatagalan sila. Bukod sa kabayo ang sinasakyan nila, marami rin ang nagtatangka sa buhay nila na dapat nilang iwasan at lusutan.

Bumaba si Trigger sa sinasakyan nilang kabayo bago alalayan sa pagbaba si Eiress. Nakakakilos na si Eiress ngunit hindi ito nagsasalita. Minsan ay bigla na lang itong matutulala at umiiyak. Walang nagagawa si Trigger kun’di hayaan ito sa pagluluksa.

“Magpapalipas muna tayo nang ilang araw rito bago tayo maglakbay ulit. Nang sa ganoon, hindi nila tayo makita agad,” saad niya kay Eiress. Tulad ng inaasahan wala pa rin itong reaks’yon, pero alam niyang naririnig siya nito.

Sinigurado ni Trigger na hindi sila masusundan sa lugar na iyon ng mga humahabol sa kanila. Gumamit siya ng isa pang kabayo para magpatuloy iyon sa pagtakbo at isipin ng mga kalaban na sila iyon. Ibang direks’yon ang tina