Chapter 74

Naging maugong sa lahat ng bayan ang pagkawasak ng Argenxican at Chipan. Kumalat din ang balita na nalipol ni Luciano Villacostel ang pamilya ng mga Wilt at ito na ang pumalit sa karangalan ng pamilya Wilt. Sinamantala iyon ni Luciano. Binisita nito ang bawat bayan at gumawa ng alyansa sa mga ito. Hindi naman nagdalawang isip ang mga pinuno ng bayan na makipagtulungan kay Luciano. Naniniwala ang mga ito na magiging matibay rin ang kanilang pamilya sa pagkampi ng mga ito kay Luciano. Sa loob ng dalawang buwan ay halos sakupin na ni Luciano ang labing-dalawang bayan maliban sa Polican at Boran. Ito ang mga bayan na pag-aari ng mga Nesselio. Ang Kiran naman ay hindi pumapanig sa kahit na sino maliban sa pera. Hinayaan muna ni Luciano ang Kiran dahil alam niyang may paggagamitan siya sa mga ito pagdating ng araw.

Kasalukuyan namang nagtipon-tipon sa Canixer ang mga kaalyansang bayan ni Luciano para ipagdiwang ang tagumpay nito. Naroon din ang ibang kasosyo sa negosyo ng mga Wilt na harapa