Chapter 30

Sa security room, magkasamang pinapanood ni Lord Scion, William at bagong dating na si Trigger ang nagaganap na examination. Magkakatabi ang tatlo sa harap ng malaking monitor. Dumating ang tatlo bago pa magsimula ang examination. Hindi lang sila nagpakita sa mga examinees. Dumiretso na sila sa underground kung saan ang lokasyon ng kanilang security room. Abala naman si Bingo sa pagmomonitor sa mga kalahok. Ito ang kanilang security expert.

"Marami sa kalahok ngayon ang kahina-hinala. Hindi talaga nagpapahinga ang mga kalaban mo Scion. Sinamantala nila ang pangangalap mo ng tao para makapagtanim ng kasapi sa tabi mo." Komento ni William.

"It's a good thing na pinabalik mo ako. Mas mapapaigting natin ang seguridad mo." Sambit naman ni Trig. Halata ang pagod at puyat nito sa byahe pero hindi nito pinalampas ang panonood sa nagaganap na examination.

Ngumiti ng may panunudyo si William kay Trig.

"Sa pagkakaalam ko, ikaw lang ang pinapabalik ni Scion. Bakit may kasama kang babae? Sino 'yu