Chapter 37

Sapo ni Eiress ang dibdib paglabas niya sa silid ni Lord Scion. Mahigpit niyang hinawakan iyon patungo sa kanyang silid.

"Stop!" utos niya sa sariling puso. Paulit-ulit niyang hinampas ang dibdib. Umaasa siyang mapapawi noon ang sakit na umukit sa kanyang puso. "Pakiusap, bumalik ka na lang sa dati. Maging manhid ka na lang ulit! Huwag ka ng magmahal para hindi ka nasasaktan!" Mariin niyang pinaglapat ang mga ngipin. Pinipigilan niyang lumuha. Nangako siya na hindi na iiyak dahil sa lalaking iyon. Ngunit parang sirang plaka na bumabalik sa kanyang isip ang sinabi ni Lord Scion bago ito muling nakatulog.

'I miss you... Isabella.'

Naririnig pa niya ang pangungulila sa boses nito. Ang nangungusap nitong mga mata habang nakatingin sa kanya. Puno ng pagmamahal ang mga salitang iyon pero hindi para sa kanya. Kundi para sa babaeng may pangalang Isabella.

"Argh!" Sinuntok ni Eiress ang katabing pader.

Naramdaman niya ang sakit sa kamao ngunit mas masakit pa rin ang nararamdaman ng kanyan