Chapter 38

Location: Janduran City

Isang business party ang dinaluhan ni Lord Scion sa Janduran City. Tulad ng utos nito, nagpanggap si Eiress bilang sekretarya at kasama nitong dumalo. Nakasuot si Eiress ng off shoulder fitted black dress na may makikinang na disenyo. Humahapit iyon sa makurba niyang katawan. Kitang-kita ang makinis at maputi niyang balikat. Maging ang mahubog niyang hita at binti at lumilitaw sa mahabang slit ng damit. Iyon lang ang nagustuhan niyang damit sa malapit na shop ng Janduran. Na sa loob naman ng dala niyang pouch ang maliit na baril. Nakasunod lang siya sa hulihan ni Lord Scion habang na sa hulihan rin niya ang iba pang bodyguards.

Biglang tumahimik ang lahat nang pumasok ang grupo nila sa bulwagan. Nakatingin lang ang mga ito kay Lord Scion. Sadyang agaw pansin ang itsura nito ngayon. Matikas na pangangatawan. Gwapong itsura na may misteryosong aura. Lahat ay mapapatingin sa taglay nitong karisma. Kahit siya'y bahagyang natulala nang makita ito kanina. Sinupil lan