Novelas web de Sweet Love e historias de Dominant ambientadas en Twist

Para kay Sienna Navarro, ang makapasok bilang bagong Marketing Executive sa Valeriano Empire ang sagot sa lahat ng problema niya, lalo na sa lumalaking hospital bills ng kanyang ina. Kaya bilang selebrasyon, hinayaan niyang makawala ang kanyang pagiging "good girl" at nakipag-one-night stand sa isang gwapo, mapanganib, at misteryosong estranghero sa club. No names and no promises. Tumakas siya kinabukasan sa pag-aakalang hindi na sila muling magkikita. Ngunit ang akala niyang wild mistake ay susundan siya hanggang sa board room. Ang lalaking tinakasan niya sa kama ay walang iba kundi si Tristan Valeriano, ang bago niyang boss, at ang malupit na bilyonaryong CEO ng kumpanyang pinapasukan niya. Imbes na sisantehin siya dahil sa ginawa niyang pagtakas, isang nakakabaliw na alok ang ibinigay nito. Pananatilihin siya sa trabaho at babayaran ni Tristan ang lahat ng utang ng pamilya niya, kapalit ng isang sikretong kasunduan. Sa umaga, isa siyang propesyonal na empleyado. Ngunit sa gabi, pagmamay-ari siya ng kanyang boss. Sa isang larong puno ng tukso, kapangyarihan, at mapanganib na pagnanasa, makakaya ba ni Sienna na sundin ang nag-iisang rule na bawal ma-inlove? O tuluyan siyang masusunog sa apoy na mismong siya ang nagsimula?

Para sa single mom na si Aella Vergara, simple lang ang batas para makatira sa murang paupahan ng bilyonaryong si Zion Monteverde at ito ay huwag gagawa ng ingay. Ngunit ang kaniyang tatlong taong gulang na anak na si Luna Elise ay may ibang plano. Ginawa ni Luna na personal playground ang mansiyon ni Zion. Mula sa pag-ubos ng mga imported nitong cookies hanggang sa paglilista nito sa masungit na landlord bilang kaniyang daddy sa school activities ay unti-unting napalapit ang loob ng striktong bilyonaryo sa mag-ina. Akala ni Aella, isang gasgas na rom-com ang buhay niya kung saan lumalambot ang puso ng isang supladong lalaki dahil sa kakyutan ng isang bata. Ngunit nagkamali siya. Isang gabi, narinig ni Aella si Luna na may seryosong kausap sa laruan nitong walkie-talkie: “Boss Daddy, niyakap ka na ni Mommy sa harap ko kanina. Sabi mo may dagdag na dalawang laruan ako bukas, ah? Deal is a deal!” Ang katotohanan? Hindi aksidente ang pagiging malapit ni Zion sa kanila. Si Zion mismo ang kumuha kay Luna bilang isang lihim at sinusuhulang "baby wingman." Dahil si Aella ang babaeng matagal nang hinahanap ng bilyonaryo matapos nitong iligtas ito taon na ang nakararaan. Upang mapalapit nang hindi nagmumuhang stalker, sinuhulan ni Zion si Luna gamit ang unlimited toys at ice cream para i-manipula ang sarili nitong ina. Pero ang malaking katanungan ay kung sino ngayon ang tunay na Boss? Ang landlord na nagpanggap na naperwisyo, o ang tatlong taong gulang na bata na mas magaling pa sa CEO kung magpatakbo ng negosyo ng pag-ibig?

Isang beses lang na nakatalik ni Eiden si Kiara at nabuntis niya ito pero inakala niyang isa itong bayarang babae kaya nagpasya siyang nakawin ang kanilang anak dito. Buong akala naman ni Kiara ay namatay ang kaniyang kambal dahil sa kumplikasyon. Pagkalipas ng limang taon, nagtagpong muli ang kanilang mga landas. Natipuhan ng kambal si Kiara kaya inalok siya ng mga ito ng trabaho bilang “Mommy” nila. Kailangan naman ni Kiara ng sariling pamilya upang mapanatili ang kaniyang trabaho at sa wakas ay makuha ang promosyon na pinaghirapan niya nang husto. Nagkaroon sila ng kasunduan at naganap ang isang biglaang kasal sa pagitan nina Kiara at Eiden. Wala ni isa sa kanila ang nakakaalam ng katotohanang si Kiara ang ina ng kambal at si Eiden naman ang lalaking sumira sa buhay nito. Sa oras na lumabas ang katotohanan, may pag-asa pa kayang mabuo ang isang masaya at kumpletong pamilyang ninanais ng kambal o magiging mitsa iyon ng tuluyang pagkawasak ng kanilang pangarap? Paano nila tutulungan ang daddy nila na mapaibig ang kanilang totoong mommy? Magtagumpay kaya silang pag-isahin ang mga taong dahilan kung bakit sila nabuo?