Heiress In Tagalog Novels & Stories

“Limang taon mo akong iniwan… akala mo ba papayagan kitang umalis ulit?” Si Isabella Reyes ay isang simpleng sekretarya na nagkaroon ng isang gabing puno ng bawal na pagnanasa kasama ang billionaire mafia boss na si Marcus Villanueva. Isang “mistake” lang daw iyon para sa kanya—pero para kay Isabella, nagbunga ito ng kambal. Nang malaman ni Marcus, pinilit niyang pakasalan siya sa contract marriage. Cold, possessive, at walang pag-ibig—puro galit at hate-sex lang ang namamagitan sa kanila. Natuklasan niya ang betrayal ni Vanessa, ang ex-fiancée na lihim na spy, at nagising ang galit niya. Habang buntis pa, tumakas siya patungong Italy. Doon niya pinalaki ang kambal na sina Mia at Milo bilang single mom, habang lihim na binubuo ang sariling imperyo—bilang ang hidden heiress ng Monteverde clan, karibal na mafia family ng Villanueva. Limang taon ang lumipas. Bumalik siya sa Pilipinas—hindi na mahina, kundi makapangyarihan na CEO na may hawak na sa shares ng Villanueva Empire. Paghihiganti ang nasa isip niya. Pero nang muli silang magtagpo, hindi na makapagpigil si Marcus. Chasing, begging, at intense na passion ang sumunod—habang natutuklasan ang mas malaking lihim: ang kambal ay may mafia bloodline powers, at ang bagong pagbubuntis ni Isabella ay nagbunga ng quadroplets—kasama ang “Stormbringer” na baby girl na may kapangyarihan sa elements. Sa gitna ng digmaan ng tatlong clans—Villanueva, Monteverde, at ang misteryosong Salvatore—lalaban sila para sa pamilya nila. Mula sa isang sinful mistake, magiging eternal obsession ba ang pag-ibig nila? O masisira lahat sa kapangyarihan ng Stormbringer?

Dalawang taon na inakala ni Yumi Zamora na siya ang legal na Mrs. Monteverde. Dalawang taon niyang minahal, pinagtiisan, at ipinaglaban ang lalaking inakala niyang tunay niyang asawa. Pero isang araw, habang inaayos ni Yumi Zamora ang laman ng drawer ay aksidente niyang napunit ang kanilang marriage certificate. Pero nang magpunta siya sa Civil Registry Office para kumuha ng panibagong kopya ay doon niya natuklasan ang mapait na katotohanan— ang kasal nila ng asawang si Clyde ay peke at palabas lang ang lahat. Ang lalaking tinawag niyang asawa, si Clyde Monteverde, ay legal palang kasal sa ibang babae at mas masakit, sa dati nitong professor. Anim na taon siyang ginamit ng lalaki bilang panakip-butas sa lihim na relasyon ng dalawa. Siya ang inilagay sa harap ng tsismis, siya ang sinisi sa lahat, at pinalabas na baog para pilit ampunin ang batang hindi naman kanya. Subalit isang tawag mula sa isang abogado ang bumago sa buhay ni Yumi. Nalaman niyang siya pala ang illegitimate daughter at sole heiress ng isa sa pinakamayamang negosyante sa buong Pilipinas na si Don Rafael Zamora. At nang tanungin siya ng abogado tungkol sa kanyang marital status, sandali siyang nag-isip bago sinabing, “Attorney Reyes," malamig niyang sabi, "pipirmahan ko na ang inheritance agreement," aniya saka huminga nang malalim. "At para malinaw, unmarried po ako at wala po akong anak.” At para maisakatuparan ang paghihiganti, pumayag din siyang maging fiancé ni Adrian Villareal, ang lalaking kinatatakutan ng lahat—hindi lang sa kapangyarihan kundi sa angking kayamanan. Mula sa babaeng niloko at pinaglaruan, ay babangon si Yumi at maghihiganti. Sa larong sinimulan ng kasinungalingan, sisiguraduhin niyang siya mananalo...

Si Anna Soledad "Sol" Madrigal ay isang mataray, matapang at palaban na heiress. Itinakdang ipakasal sa isang lalaking hindi niya mahal bilang bahagi ng pagpapalawak ng negosyo ng kanilang pamilyang nagmamay-ari ng isang kilalang hotel at restaurant empire. Ngunit sa mismong araw ng kanyang kasal, habang naghihintay ang lahat sa kanyang paglalakad sa altar, pinili ni Sol na tumakas at iwan ang mundong matagal nang nagdidikta ng kanyang buhay. Napadpad siya sa tahimik na bayan ng Monteverde kung saan agad siyang sinalubong ng malas nang manakaw ang kanyang maleta. Sa gitna ng kanyang pagod at inis napagbintangan niya ang estrangherong lalaking nakakita nito, si Crisanto "Cris" Domingo, breadwinner ng kanyang dalawang bunsong kapatid at frustrated chef na kilala sa kanilang lugar dahil sa kakaibang lasa ng kanyang mga luto. Hindi alam ni Sol na ang lalaking kinaiinisan niya ang siya ring may-ari ng Karinderya Sa Kanto na dinadayo ng mga tao ano mang estado sa buhay dahil ang mga pagkain ay may kakaibang lasa at sarap. At bilang heiress ng isang emperyo sa larangan ng mga pagkain, hindi niya eto pwedeng balewalain. Mula sa maling simula na nauwi sa bangayan at asaran, hanggang sa hindi nila namalayang unti unti silang naglalapit, at may namuong pag-iibigan. Sa saglit na panahong namuhay si Sol bilang isang ordinaryong dalaga sa Monteverde, nagkunwaring pinsan ng kanyang kaibigan at nagtrabaho sa karinderya. Ngunit nang mabunyag ang kanyang tunay na pagkatao, magiging hahadlang ang agwat ng kanilang estado sa buhay. At may mga taong darating na hahamon sa kanilang pag-ibig. Habang si Cris ay patuloy na hindi bumitaw sa kanyang naudlot na pangarap. Sa pagitan ng pangarap, pride, at pag-ibig, handa ba silang ipaglaban ang isa’t isa?