Nagkaroon ng maayos na tulog ang lahat.
Katabing natulog ni Nanay Belsa si Jing-Jing at Eloisa. Sa kabilang kwarto naman ay sila Emong at Chadie habang si Tatay Bong ang nasa isang folding bed sa sala.
Kina Kat naman natulog sina Mommy Divina at Chyna habang nasa kanya-kanyang bahay nagsi-pahinga ang iba.
Hindi naman kasi maituturing na magkakalayo ang bahay naming magkakamag-anak dahil ilang agwat lamang ang pagitan. Kung tatayo ka nga sa bubong ng bawat tahanan namin, magkikita agad, maliban sa bahay ni Tito Ato na nasa kabilang barrio.
Waring maganda ang gising ni Tatay Bong ng umagang ito. Kahit na tulog pa ang mga kasama niya sa bahay nang umagang iyon, marami na siyang naasikaso. Nakapaghanda na nga siya noon ng almusal na hindi nakakagawa ng ingay para magambala ang mga naghihilik pa.
Nakakatuwa kung iisipin. Excited siya ngayon. At isa lang ang dahilan. Alam niyang ito ang araw ng pag-uwi ko mula sa Bagac. At masaya siya na makakauwi k
