ALDEN:
HINDI KO MAITAGO ang sayang nadarama. Kahit nalulungkot ang puso ko na iniwanan si Lara ay kusa namang napapangiti ang mga labi ko at hindi maalis-alis ang paningin sa wedding ring namin na suot-suot ko. Napapalapat ako ng labi para ikubli ang ngiti ko. Mag-isa pa naman akong sakay ng private airplane namin patungong Canada.
"Wait for me, honey. Tatapusin ko agad ang problema doon para malaya tayong muli na magkasama," piping usal ko.
Napangiti akong marahang hinahaplos ang screen ng phone ko at naka-wallpaper doon ang picture namin ni Lara sa araw mismo ng kasal naming naganap kahapon.
TPOV:
LINGID SA KAALAMAN NI Alden ay sumunod si Lara sa kanya sa airport at ang hindi naman alam ni Lara ay may nagbabadya na palang panganib sa plano niyang pagsunod kay Alden sa Canada!
Habang lulan siya ng taxi na nakasunod aa kotse ni Alden ay may bigbike motor na nakasunod sa kanya. Purong nakaitim ang kasuotan na parang kagagaling lang sa lamay!
Napapangisi si Andrea. Ngayon na ang tamang
