Agad na niyang tinapos ang pag-uusap nila ni James, dahil wala naman itong impormasyon na maibibigay sa kanya. Isang tao lang ang gusto niyang makausap ngayon para magpaliwanag sa kanya ng lahat. Mabilis siyang nagbihis at umalis ng isla.
Samantala sa loob ng sasakyan, kampanting nakaupo si Amarah sa panlikurang upuan ng kanilang kotse habang kumakain ng buto ng pakwan. Katabi niya ang dalawa niyang kambal na eaglets, na busy sa pagkukuwentuhan.
"Kuya Allaric, sa tingin mo kaya, makikilala kaagad tayo ni Daddy?" tanong ni Adira sa kapatid. Kuya ang tawag niya dito dahil ito daw ang unang lumabas kaysa sa kanya. Kahit sa New York sila lumaki, pilipino parin ang kanilang pananalita kapag nag-uusap sila, dahil ito ang tinuro ni Amarah sa kanila.
"Malamang. Eh inubos na natin ang mukha ni daddy eh. Walang natira kay mommy." seryosong sagot naman ni Allaric sa kapatid.
"Kaya lang, sinaktan niya si Mommy, magkakabalikan pa kaya sila? pabulong niyang tanong kay Allaric, ngunit naririnig pa r
