CHAPTER 12

“Hindi pa tayo kakain?” nakangising tanong ni Denzel habang akbay-akbay ang jowa niya. Ang kapal ng mukha! Nagluto lang ako para kay Neil tapos makikisalo sila? Eh ‘di sana ay utusan niya ‘yung girlfriend niya na ipagluto siya. Tsk!

Kahit na ilang hours ko lang siyang nakasama ay nakuha niya ang inis ko.

“May meeting pa pala. Kailangan ko nang kumilos,” ani Neil at hinatak ako papuntang kusina. “Baby, coffee,” malambing niyang request at naupo sa dulo ng table.

“Tea please,” sambit nung babae na ikinatigil ko sa pagtitimpla. Excuse me lang, huh? “And coffee for my boyfriend. Faster!” demanding niyang dagdag. Natawa ako nang mahina bago ko siya hinarap.

“Edi gawa ka ng sa inyo. Hindi ako maid ni Neil, girlfriend niya ako,” maikling ngiting sagot ko at tinalikuran ko siya. Narinig ko pa ang mahinang tawa ni Neil habang ngumunguya ng pagkain.

“Bastos ‘yang girlfriend mo, Zach. Ganyan siya sumagot sa isang bisita? Seriously? Paano mo siya nagustuhan? Nilandi ka lang?” I gritted my teeth.