Chapter 27

Chapter 27:

Pilit kumakawala si Kevin sa tali na alambre sa kaniyang pulso at iniiinda niya kahit na anong sakit na nararamdaman. Habang ginagawa niya ‘yon ay ini-eksamina niya ang bawat sulok kung saan siya ikinulong.

Bago siya nawalan ng malay ay nagpunta siya sa dating bahay ni Arturo upang magmanman sa dalawang apo nito.

“Bato bato pick,” sabay na sabi nina Aya at Ashton habang papunta ng eskwelahan nang umagang ‘yon. Habang naglalakad ay patuloy ang kanilang paglalaro na tila nagkukunwaring natatalo si Aya upang sumaya ang nakababatang kapatid.

Nang naramdaman ni Aya na may sumusunod sa kaniya ay gumawa siya ng paraan upang makatakas ang kapatid. Mula kasi no’ng nakulong ang kanilang Lolo Arturo ay may tao na nagmamanman sa kanila.

“Ashton, ‘di ba sabi ni ate kanina na may dadaanan ako sa sup