Chapter 2

Michelle's POV

Diring-diri ako sa kanilang dalawa. Matagal na ba nilang ginagawa ito? Kaya ba tatlong taon kaming walang nangyayari ay dahil may iba siyang pinaglalabasan ng libog niya?

Nasusuka ako sa naiisip ko. Noong mga panahong hinahalikan niya ako, may nangyari na ba sa kanila? Ang mga kamay niyang humahaplos sa akin noon ay inihahaplos din pala niya kay Elena. Ang mga labing humalik sa akin ay natikman din ng step-sister ko.

Padabog kong tinulak ang p***o kaya napahinto sila.

"Mga walanghiya! Mga hayop!" Sigaw ko sa kanila.

Bumangon si Elena na hindi man lang nahiyang hubad siya. Ngumiti pa siya. "Michelle! Anong ginagawa mo dito?"

Mabilis na pinulot ni Kenneth ang boxers niya at lumapit sa akin. Umatras ako nang akmang hahawakan niya ako.

"Don't you fucking dare touch me with your filthy hands!"

"Baby, please. Mich, let's talk. This is... fuck. It's just an accident."

Sinampal ko siya nang dalawang beses. "Accident?! Ano, nadulas ka at bigla mo na lang naipasok sa kanya?! Huh?!"

Biglang nag iba ang timpla ng kaniyang mukha. "Late ka na naman kasi, Michelle," malamig niyang sabi habang hawak-hawal ang kanang pisnge niya. Ibang-iba sa boses na ginagamit niya sa akin. "I just got tired of waiting."

"W-waiting for what?" Nabasag ang boses ko, at tumulo ang mga luhang ayaw magpaawat.

"For you to be available," sabat ni Elena, sabay yakap kay Kenneth sa harap ko. "Kaya ako na lang ang naging available. And trust me, mas magaling ako sa'yo in every way."

"G-gaano na katagal? Gaano katagal na ninyo ito ginagawa?!"

"Two years?" Tumingin si Elena kay Kenneth, at tumango ito.

Dalawang taon. Dalawang taon nila akong niloloko habang ako ang nag-aabang sa kanya.

"Remember those late nights at the office?" Tumawa si Elena. "We were busy alright, all night. Hindi nga lang sa trabaho."

Tumalikod ako habang nanginginig ang buong katawan ko. Ayokong makita nila akong umiiyak, pero huli na.

At hindi pa pala tapos.

Akala ko sapat na ang pagtalikod ko, pero sa mga sumunod na minuto, isa-isang bumalik sa isip ko ang mga panahong pinaniwala ako ni Kenneth na abala lang siya. Ang mga date na kinansela niya dahil may emergency meeting daw kasama ang team ni Elena. Ang mga weekend na hindi kami nagkikita dahil kailangan niyang mag-review ng marketing materials.

Ang mga gabing pagod na pagod daw siya kaya hindi na siya makapag-phone. Lahat pala ng iyon, puro kasinungalingan lang.

"Pero sabi mo mahal mo ako," sabi ko, at hindi ko na napigilan ang pag-agos ng luha ko.

Tumayo si Kenneth at nagbalot ng tuwalya sa bewang niya, na parang ako ang nakakaabala sa kanya. "Michelle, you were convenient. Fresh grad ka pa noon, sabik magpasaya, at madaling utuin. Bagay na bagay ka sa image ko bilang batang Marketing Director na may girlfriend na magandang writer."

"Tapos nagpakita ng interes si Elena," dagdag niya, sabay lakad papunta sa kanya at yakap sa bewang nito. "She's more sophisticated. Mas willing pa. At dahil sa stepmom mo, mas maganda ang connections niya. Ang dali lang ng desisyon."

"Desisyon? A-anong desisyon?" Halos hindi na lumabas ang boses ko. "Pinagpilian n'yo ako?"

"Of course!" Kumislap ang mga mata ni Elena sa tuwa. "Nakakatuwa nga eh. Ang saya-saya mo pa habang pinagmamasdan ka namin, tapos sa akin naman umuuwi si Kenneth gabi-gabi."

Nanghina ang mga tuhod ko at napaluhod ako sa sahig, hawak ko pa rin ang key card na parang iyon na lang ang pwede kong panghawakan. Tatlong taon. Tatlong taon ng buhay ko, nasayang lang sa gagong 'to.

"Ay, drama queen talaga si anteh niyo," sabi ni Elena at umirap. "Kung alam mo lang kung ilang beses naming pinagtawanan yang pagka-martyr mo."

"Elena, magkapatid tayo."

"Step-sister," pagtatama niya, matalas ang boses. "At hindi kita kailanman naging ate. Hindi nga Tayo tunay na magkadugo eh. And Mommy told me that everything you have should be mine. Ang atensyon ni Daddy, ang mana mo, lahat."

"And that includes my fiancee?"

"Lalo na si Kenneth." Ngumiti siya nang matamis. "Ang dali mo kasing utuin, Michelle. Uhaw na uhaw ka sa pagmamahal. Ngumiti lang siya sa iyo noong unang araw sa publishing company, bagsak ka na agad."

Pero hindi na ang mga salita ni Elena ang umaalingawngaw sa tenga ko. May ibang boses na bumalik sa isip ko, isang boses na ilang beses nang nagbabala sa akin, at ilang beses ko ring sinigawan na tumigil.