Chapter 9

"Humawak ka sa akin nang mabuti." Agad akong inalalayang makatayo ni Dylan saka hinawakan ang aking kamay. Buong akala ko ay sa swimming pool na ako mamamatay, buti na lang ay nagawa akong iligtas ni Dylan sa bingit ng kamatayan.

Nagulat ako nang biglang paalis na sana kami nang makitang nasa harap namin si Lerisse na nanlilisik pa din ang mata sa akin.

"Magi!" napalingon ako sa sigaw ni Julia kasama si Delancy habang patakbo silang lumalapit sa akin. "What happen? Bakit basang-basa ka?" aniya matapos makalapit sa akin.

Hindi ko siya sinagot.

Nagkusa na lang siyang napalingon kay Lerisse sa kinatatayuan nito.

"Kung sabagay, hindi na ko magugulat kung ikaw ang may gawa nito kay Magi." sabi ni Julia kay Lerisse. "Sino pa ba ang sobrang insecure kay Magi dito kung hindi ikaw lang naman diba? Alam mo, Lerisse.. Lumalala na ang sakit mo sa utak! Patagal ng patagal, pabobo ka ng pabobo!"

"Oo na, Julia! Ako na ang may kasalanan! Ako na ang ma