CHAPTER 4

CHAPTER 4

Akmang paalis na sana si Bernard ng bigla naman magsalita si Maxene kaya naman bigla itong natigilan sa paghakbang.

“H***p kaaa. A-anong ginagawa mo ritooo? Talagang nashundan mo pa rin ako rito. Hindi ka pa ba kuntento sa babae mo? Ha?” sabi ni Maxene na nagkandabulol bulol na sa pagsasalita dahil sa kalasingan.

Napakunot naman ang noo ni Bernard dahil sa sinabi na iyon ni Maxene kaya naman daha  dahan na siyang humarap dito at nakita niya na nag angat na ito ng ulo habang nakatingin sa kanya. Nanatili naman na seryoso ang kanyang mukha at hindi na rin muna siya nagsalita pa habang nakatitig siya kay Maxene na lasing na lasing na.

“Paano mo nalaman na narito ako? Ang kapal naman ng mukha mo para lumapit pa sa akin,” sabi pa ni Maxene.

Lalo namang napakunot ang noo ni Bernard dahil sa sinabi na iyon ng dalaga. Napatingin pa nga siya sa paligid dahil baka may iba pang kinakausap ang dalaga pero mukhang siya talaga ang kinakausap nito.

“Sorry miss pero ako ba ang kinakausap mo?” hindi na napigilan na tanong ni Bernard dito.

Mapakla naman na tumawa si Maxene at kahit pa medyo nahihilo pa siya ay dahan dahan na itong tumayo at lumapit sa lalaki.

“Tsk. Ang bilis mo naman makalimot. Kanina lang nakikipaglampungan ka sa ibang babae tapos ngayon ay hindi mo na kaagad ako kilala. Ang galing mo naman,” sabi ni Maxene at saka lumipad ang kanyang palad sa pisngi ng lalaki na iyon.

Agad naman na napabaling sa kabila ang mukha ni Bernard at kahit pa lasing si Maxene ay malakas pa rin talaga ang pagkakasampal niya rito.

“Magsama kayo ng kaibigan mo. Mga h***p kayo,” sabi pa ni Maxene at akmang maglalakad na sana ito paalis doon ng bigla itong matalisod sa upuan na naroon. Mabuti na lamang at naging mabilis ang pagkilos ni Bernard at agad na nahawakan sa baywang si Maxene.

“Ayos ka lang ba, miss? Tsk. Lasing na lasing ka na pero ang tapang tapang mo pa rin,” sabi ng lalaki at napapailing na lang talaga siya dahil kahit naman nakainom na siya ay kaya pa naman niya ang kanyang sarili pero itong si Maxene ay mukhang lasing na lasing na talaga at hindi na kaya pa ang sarili.

Hindi naman na nakapagsalita pa si Maxene at dala na rin siguro ng sobrang kalasingan ay nawalan na ito ng malay. Kaya naman napabuntong hininga na lamang si Bernard at saka nito binuhat si Maxene at isinampay sa kanyang balikat at saka ito naglakad palabas sa naturang bar.

Agad naman na dumiretso si Bernard sa kanyang kotse at inuna na niyang isinakay si Maxene sa loob noon. At nang makasakay na rin siya sa sasakyan ay saglit pa siyang napatitig sa mahimbing na natutulog na dalaga at bigla rin niyang naalala na hindi niya alam kung saan niya ito ihahatid. Kaya naman napabuntong hininga na lamang muli siya at napagpasyahan na lamang niya na dalhin ito sa kanyang unit dahil baka kung ano pa ang mangyari rito kapag iniwanan niya ito roon.

Pagkarating nila sa parking lot ng tinitirhan ni Bernard ay agad na rin niyang binuhat ang dalaga dahil ayaw nitong magising. Agad na rin naman niya itong dinala sa kanyang unit at agad na idineretso sa kanyang silid. Muli pa nga siyang napatitig sa mukha ni Maxene dahil talagang lasing na lasing ito dahil ni hindi man lang ito nagising kahit na binuhat buhat na niya ito.

“Tsk. Kababaeng tao pero grabe kung uminom. Grabe ni hindi man lang nagtira ng pang uwi niya,” naiiling pa na sabi ni Bernard at saka niya iniwanan na muna si Maxene at saka siya pumunta na muna ng kusina para uminom ng tubig.

Saglit pa na napaisip si Bernard kung ano ba ang gagawin niya sa dalaga dahil baka kung ano ang isipin nito pagkagising nito. Pero wala rin naman kasi siyang magawa dahil ayaw naman niyang pakialaman ang bag na dala nito at hindi rin naman magising ang dalaga kaya no choice siya kundi ang hayaan na muna ito na manatili sa kanyang silid.

Maya maya ay nakakaramdam na rin ng hilo si Bernard dahil nakainom din talaga siya pero kaya pa naman niya kanina pero ngayon nga ay nararamdaman na niya ang antok kaya naman nagpasya na rin muna siya na maligo upang makatulog na rin siya.

Matapos na maligo ng binata ay agad na rin itong pumunta sa kanyang higaan at saglit pa nitong tinitigan si Maxene na mahimbing na mahimbing pa rin na natutulog. Gustuhin man sana niya na paltan ito ng damit ay hindi naman niya magawa dahil ayaw naman niya na kung ano ang isipin nito paggising nito. Kaya naman nagpasya na lamang siya na tanggalin ang suot nitong sandals at saka niya ito kinumutan.

At dahil malaki naman ang kanyang kama ay nagpasya na lang din ang binata na matulog sa kabilang gilid ng kama habang ang dalaga naman ay nasa kabila. Hindi kasi siya kumportable na matulog sa sofa kaya talagang sa kama pa rin sita natulog kasama ng dalaga.

Agad na rin naman na nahiga si Bernard at bumaling na lang siya sa kabila. At nang medyo nakakatulog tulog na nga siya ay bigla niyang naramdaman na para bang may humahalik sa kanya kaya naman kahit na antok na antok pa siya ay napamulat na lang siya at ganon na lang ang gulat niya ng mabungaran niya na nasa ibabaw na niya ang dalaga na tinulungan niya kanina.

“Hey! What are you doing miss?” agad na tanong ng binata.

Hindi naman nagsalita si Maxene at agad na niyang mapusok na hinalikan ang binata.

Bahagya naman na itinulak ng binata si Maxene para maawat niya ang ginagawa nito at hindi niya maiwasan na magtaka dahil kanina lang ay napakahimbing talaga ng tulog ng dalaga.

“Miss, alam mo ba ang ginagawa mo? Kilala mo ba ako? Tinulungan kita kanina dahil baka kung ano ang mangyari sa’yo sa bar at pagkatapos ay ganito ang gagawin mo. I’m sorry dahil hindi ko alam kung saan ka ihahatid kanina kaya kita dinala rito sa unit ko,” tila hindi makapaniwala na sabi ng binata at talagang nagpaliwanag na rin siya rito.

“Siguro nga ay lasing ako… pero hinding hindi ko makakalimutan ang mukha na iyan. Ang mukha ng lalaki na nanloko sa akin,” sagot naman ni Maxene na medyo nabubulol pa dahil ang nakikita niya ngayon ay ang mukha ng manloloko niyang boyfriend na si Joseph.

“What? Wait lang. Hindi kita maintindihan miss. Ngayon lang kita nakaharap kaya anong sinasabi mo na linoko kita?” gulong gulo naman na tanong ni Bernard sa dalaga.

“Tsk. At talagang magdedeny ka pa? Hindi ba at ito ang ginagawa nyo ng malandi mong bestfriend kanina? Pwes, heto na ako at handa ko ng ibigay ang sarili ko sa’yo at sisiguraduhin ko na mas maliligayahan ka sa akin kaysa sa malanding babae na iyon,” matapang naman na sagot ni Maxene at saka niya muling hinalikan sa labi ang binata.

Gulat na gulat naman si Bernard sa mga sinabi na iyon ng dalaga dahil hindi talaga niya maintindihan ang pinagsasasabi nito ngayon at mas lalo pa siyang nagulat sa inaasta nito ngayon.