CHAPTER 3

CHAPTER 3

Samantala pagkalabas na pagkalabas naman ni Maxene sa loob ng unit ni Joseph ay hindi na niya napigilan pa ang pag alpas ng kanyang masaganang luha na kanina pa niya pinipigilan.

Ni sa hinagap ay hindi inakala ni Maxene na magagawa iyon sa kanya ni Joseph dahil sa pitong taon na relasyon nilang dalawa ay hindi ito nagloko at kung kelan napapag usapan na nila ang pagpapakasal ay saka naman ito ginawa sa kanya ng binata.

Naging mabilis ang paghakbang ni Maxene at wala na siyang pakialam pa kung tinitingnan siya ng kanyang mga nakakasalubong dahil gusto na lang talaga niyang makarating kaagad sa kanyang sasakyan. At nang makasakay na siya sa kanyang kotse ay napasubsob na lang talaga siya sa manibela at saka siya doon humagulhol ng iyak dahil sobrang sakit talaga nito para sa kanya.

Sandali pang nanatili roon si Maxene at iniiyak na lang muna niya ng iniiyak ang sama ng loob niya dahil alam niya na hindi siya makakapagmaneho ng maayos dahil ayaw talagang tumigil ng kanyang luha at nanlalabo lang ang kanyang mga mata.

Ilang minuto pa na nananatili roon si Maxene at pilit na lamang niyang pinapakalma ang kanyang sarili at maya maya pa ay isang malalim na buntong hininga ang kanyang pinakawalan at saka niya pinunasan ang kanyang pisngi na basang basa ng luha.

“Lalaki lang yan, Maxene. Marami pang iba r’yan. Kaya mo yan. Hindi mo kailangan ng isang kagaya nya na manloloko at hindi marunong makuntento. Tama lang na hiniwalayan mo sya dahil hindi mo deserve ang isang kagaya nya,” kausap ni Maxene sa kanyang sarili at saka siya bumuga ng hangin sa kanyang bibig.

Hindi nagtagal ay pinaandar na rin ni Maxene ang kanyang sasakyan pero bago pa man siya tuluyang makaalis sa parking lot ng naturang building ay nakita pa niya si Joseph na naglalakad kasama ang babaeng kalampungan nito kanina kaya naman napahigpit na lamang talaga ang kapit niya sa manibela at pinilit na lang niyang pakalmahin ang kanyang sarili dahil baka kung ano pa ang kanyang magawa sa babaeng iyon.

Agad na ring pinaharurot ni Maxene ang kanyang sasakyan dahil lalo lamang siyang nasasaktan sa kanyang nakikita dahil ni hindi man lng siya sinundan ni Joseph at talagang kasama pa rin nito si Veronica.

Dahil sa matinding sama ng loob ay imbis na sa kanyang sariling condo unit dumiretso si Maxene ay sa isang bar siya napadpad.

Pagkababa ni Maxene sa kanyang sasakyan ay agad na niyang iginala ang kanyang paningin at saka siya lakas loob na naglakad papunta sa entrance ng naturang bar.

Eto ang unang beses na makapunta si Maxene sa bar kaya naman hindi talaga niya alam ang kanyang gagawin. Pero dahil sa kagustuhan niyang maglabas ng kanyang sama ng loob at gusto niya iyong idaan sa pag iinom at balak talaga niyang magpakalasing ngayon para kahit papaano ay makalimutan niya ang ginawa sa kanya ng kanyang ex-boyfriend.

Pagkaupong pagkaupo pa lang ni Maxene ay agad na siyang umorder ng kanyang maiinom. Medyo nagtaka pa nga ang waiter sa kanya dahil napakarami talaga niyang inorder gayong nag iisa naman siya.

Hindi naman nagtagal ay dumating na rin isa isa ang kanyang order na alak at agad na niyang sinimulan ang pag inom noon at habang umiinom siya ay wala ring patid ang pagpatak ng kanyang luha dahil sobrang sama talaga ng kanyang loob at hindu niya matanggap ang mga nangyari.

Habang abala rin si Maxene sa kanyang pag inom ay narinig naman niya ang pagtunog ng kanyang phone kaya naman tiningnan niya kung sino ba ang tumatawag na iyon at nakita niya na ang matalik niyang kaibigan na si Bea ang tumatawag sa kanya. Akmang sasagutin na sana niya ito pero bigla niyang naisip na gusto muna niyang mapag isa kaya naman imbes na sagutin ay ini-off na lamang niya ang kanyang phone dahil alam niya na hindi iyon titigil hanggat hindi niya sinasagot ang tawag nito.

Maya maya ay unti unti na ring dumadami ang tao sa loob ng bar habang si Maxene ay abalang abala pa rin sa kanyang iniinom at hindi na niya namamalayan pa na lumalalim na pala ang gabi. Marami na rin ang nagtangka na samahan siya roon pero hindi niya ito pinapansin at diretso lamang siya sa kanyang paglalasing.

“Mga h***p kayooo… wala kang kwentang lalaki, Joseph. Napakashamaa mo. Hindi ka marunong makuntentooo…. Magshama kayo ng babae mo,” sabi pa ni Maxene at saka niya tinungga ang laman ng huling bote ng alak na inorder niya kanina.

Lasing na lasing na ng mga oras na iyon si Maxene at balak pa sana niyang umorder pa ng alak pero umiikot na ang kanyang paningin at hindi na niya kaya pang tumayo man lang kaya naman napasubsob na lang talaga siya sa lamesa na iyon.

“Miss okay lang po ba kayo?” tanong ng isang lalaki kay Maxene ng mapansin nito na nakasubsob na ang dalaga at mukhang lasing na lasing na. At nang hindi naman nagsalita si Maxene ay akmang hahawakan na sana ito ng lalaki na iyon ng may biglang magsalita na baritonong boses mula sa likuran nito kaya naman bigla itong natigilan.

“Don’t you ever touch her. Kung ayaw mong masira ang buhay mo.”

Agad naman na napalingon ang lalaki na iyon at nang makita niya ang lalaking nagsalita ay bigla na lamang itong tumakbo paalis doon.

Ang nagsalita kasi na iyon ay walang iba kundi si Bernard Aragon— isang masungit at dominanteng CEO ng Aragon Group of Company. Kilala rin ito bilang isang matapang at walang kinatatakutan kaya naman walang nagtatangka na kumalaban dito.

At nang kumaripas na nga ng takbo ang lalaki na iyon ay hindi naman maiwasan ni Bernard na mapangisi at saka nito linapitan si Maxene na mukhang mahimbing ng natutulog dahil sa kalasingan.

Bahagya naman na hinawi ni Bernard ang buhok ni Maxene at napangiti na lamang talaga siya ng makita niya ang maamong mukha ng dalaga.

“Hindi na ako nagtataka kung bakit humaling na humaling sya sa iyo,” mahinang sabi ni Bernard habang titig na titig ito kay Maxene.