Chapter 11

KANINA pa si Manuel paikot-ikot sa loob ng hospital upang hanapin si Yza. Subalit ni anino ng dalaga ay hindi niya nakikita. Tinatambol na rin ng kaba ang dibdib niya ng mga sandaling iyon. Hindi na rin niya maiwasan na di mag-isip ng masama. Kung may masamang nangyari kay Yza, hindi niya mapapatawad ang kanyang sarili.

‘Huwag naman sana,’ piping dasal niya.

“Manuel, kanina pa kita napapansin. Sino hinahanap mo?” Tanong ni Nurse Jane, ng makasalubong niya dito sa corridor.

“Hinahanap ko si Yza, wala kasi siya sa private ward niya ng dumating ako.” Palinga-linga siya sa paligid ng nagbabakasakali na makita niya ang dalagang hinahanap niya.

“Nakita ko sila na magkasama ni Doc Sandoval.”

Kunot ang noo niya napatingin dito kay Jane. “Si Dax?” naninigurado ng tanong niya. “Nasaan mo sila nakita, Jane?”

“Oo, nandoon sila sa garden,”pinasadahan nito ng tingin ang relo pambisig na suot nito. “Maiwan na kita, Manuel. May pasyente pa kasi ako.”

“Salamat,” aniya bago ito makaalis. “Pu