Chapter 17 - Not For Ordinary People

Pagkalipas ng ilang saglit ay tinawanan lang nila ang sinabi ni Luke. Para sa kanila ay napakalabong mangyari ng kanyang sinabi. Kilala na ng halos lahat ng estudyante si Luke. Sikat siya sa paaralan bilang isang basurang pakalat-kalat at walang katale-talento. Paano magagawa ng katulad niya na mapasunod ang katulad nina Matthew na maglinis ng banyo?

Nakisabay nalang sa tawanan si Matthew. Kahit papaano ay nadala siya ng sinabi ni Luke kahit na hindi rin siya naniniwala dito. "Nababaliw ka na talaga ata." naiwika lang nito pagkatapos ay muling bumawi ng postura.

"Anong kaguluhan 'to Luke? Matt?" Isang boses ng babae ang nagpahinto sa kanilang tawanan. Si Veronica iyon. Maging siya ay narinig din ang mga sinabi ni Luke kina Matthew. Nasa likudan nito si Patricia.

"Wala kaming ginagawa sa kanya. Siya itong pinagbabantaan kami." pagsisinungaling ni Matthew habang nakataas pa ang dalawang kamay.

Hindi inaasahan ni Matthew na pupunta si Veronica ngayon sa cafeteria. Ito na sana ang napakaga