30

Nakangiting mukha ni Caleb ang bumungad sa mga mata ni Meredith kinaumagahan. Naka-squat ito sa sahig, nakalapat sa kama ang braso nito at doon naman nakatungkod ang baba nito. Tutok na tutok sa kanya ang kumikislap nitong mga mata. Nakangiti itong hindi kita ang mga ngipin. Ang sarap lang nitong titigan. Magulo ang buhok pero presko pa kung tingnan.

“Good morning, babe.”

Malambing at banayad na hinagod ng likod ng palad nito sa kanyang pisngi. Napaka-gentle nito, malayo sa mapusok na Caleb kagabi. Napapikit siya nang hawiin nito ang buhok na tumabing sa mukha niya. Nakakahiya. Ang gwapo nito samantalang ang dugyot niya. Ang lagkit pa ng pakiramdam niya. Kasalanan nito. Ayaw siyang tantanan kagabi. “I couldn’t get enough of you,” ang sabi nito.

Tila gumapang ang hiya nang maalala ang mga pinaaggagagawa nila. Isang beses pang may nangyari sa kanila sa kubo bago sila umuwi. Pagkauwi sa bahay, bumawi ito. Caleb treated her like a princess. Ipinagluto siya at pinagpahinga. Dahil sa pagod a