Chapter 12

Kaybilis ng panahon. 

Mahigit isang buwan na agad si Alison sa bahay ng mga De Vega.  Nagustuhan na niyang talaga ang trabaho kaya naman tuluyan na niyang iniwan ang kanyang apartment. Napakalaki na ng ipinagbago ni Alexa, naging napakabait at masunurin na rin itong bata.  Tinutulungan din niyang kahit papano magkalapit ang mag-ama pero itong kanyang boss talaga ang may katigasan ng loob.  

Mabuti nalang kahit ganon ang pinapakita nito nadadala pa rin si Alexa sa mga paliwanag niya.  Isa pa halos sa kanya na nakadepende ang bata.  Kadalasan nga kapag namamasyal sila sa mall o kaya kahit sa park napapagkamalan silang mag-ina. At kadalasan din na sinasabi ni Alexa na Mommy siya nito, hinahayaan na lamang niya ito dahil alam niyang sabik ito sa isang ina.  Minsan nga natatawag siya nitong Mommy, sinasabihan niya itong mali iyon dahil papano nalang kung marinig iyon nt daddy nito.  

Baka malagot siya,  baka sabihin