Chapter 24

CHAPTER 24

Three years later . . .

KUMAWAY-KAWAY si Syler habang tinitingnan ang mga mambabasa niya na hindi magkamayaw sa pagsigaw para lang makuha ang atensyon niya. Hindi inaalintana ng mga ito kahit pagalitan na sila ng mga bouncer na sumasaway sa mga maiingay dahil patuloy lang ang mga ito sa pag-sigaw sa kanyang pangalan.

Isang matamis na ngiti ang tinutugon niya sa mga ito. Napakasuwerte niya dahil nagkaroon siya ng mga mambabasa na katulad ng mga ito na palaging nakasuporta ano man ang gawin niya. Katulad na lang ngayon, galing pa sa malalayong lugar ang iba sa kanila pero hindi inalintana ng mga ito ang bumyahe ng ilang oras para lang makita siya. 

“How’s the feeling now? Wow! Grabe, Syler. Sikat na sikat ka na talaga,” nakangiting puri ng co-writer niya at best-seller author din na si Marion.

“Oo nga, iba na ang level mo, girl. Ikaw na talaga ang most popul