Chapter 26

CHAPTER 26

“GOOD AFTERNOON, Ma’am. Welcome to Lover’s Sanctuary,” pambungad ng isang babae. 

Ngumiti lang siya bilang tugon. Hindi niya alam kung bakit nangangatog ang mga tuhod niya habang naglalakad papasok sa loob niyon, pero nagawa pa rin niyang hagurin ng tingin ang buong lugar.

Napansin niya na hindi na ito tulad ng dati dahil may mga interiors na at iba’t ibang kulay ng disensyo na idinagdag sa dingding. Maging ang mga lamesa at upuan ay iba rin. Other than that, the place gave her the same peace of mind it had given her three years ago.

Bago pa siya umupo ay nahagip ng mata niya ang isang wall doon na puno ng mga pictures. Tahimik niyang nilapitan iyon dahil parang may nag-uudyok sa kanya na pumunta roon. Katulad ng inaasahan niya ay puro pictures iyon ng mga magkakasintahan na regular customer siguro ng restaurant.

Babalik na sana siya sa kanyang upuan nang mahagip ng mata n