Chapter 27 : A Father's Tears

DAHAN-DAHANG bumukas ang pintuan sa silid na kinaroroonan ni Kayden, at sa mabagal na pagladlad ng dahon niyon ay ang unti-unting paghantad ng magandang mukha ni Raven sa kaniyang paningin.

Awtomatikong bumilis ang pintig ng kaniyang puso at napaunat ang kaniyang likod sa pagkakaupo.

Kaagad na nagtagpo ang paningin nila.

Nakita niya sa mga mata nito ang magkahalong takot at pagkabahala habang hinahagod ng tingin ang kabuuan ng kaniyang mukha.

Lumampas ang kaniyang tingin sa likuran nito at nakita niyang nakatayo roon si Atty. Galvez. Tumango ito sa kaniya bilang paalala.

Iniiwas niya ang tingin sa mga ito at tumitig sa wall.

Nagsimulang mamula ang paligid ng kaniyang mga mata, naiiyak siya.

Narinig niya ang mabagal na paghakbang ni Raven palapit sa kaniyang kinaroroonan.

Muli niyang dinala ang tingin dito na nang sandaling iyan ay titig na titig pa rin sa kaniya na para bang sinusuri siya.

Habang nakabantay siya sa bawat pagkilos nito at ay dama niya ang matinding pananabik dito.

G