CHAPTER 11

Matiyagang naghihintay si Bryle sa pag-uwi ni Leia. Kasama niya ang anak na si Lacey na nakaupo sa may pinto.

"Papa, antok na po ako," hanggang sa sabi ng bata kasabay ng cute nitong paghikab.

“Sige na. Matulog ka na, Anak. Gisingin na lang kita pagdating ni Mama mo.” Ipinahiga ni Bryle ang anak sa kanyang kandungan. Hinahaplos-haplos niya ang noo nito hanggang sa nakatulog na nga.

Sa isip-isip niya ay bakit kasi ang tagal ni Leia? Alas nuebe na’y hindi pa rin nakakauwi ang asawa. Ang sabi nito sa kanya ay hanggang alas syete lamang ang oras ng trabaho nito. Hindi na tuloy niya maiwasan na hindi kabahan. Sana ay ligtas na makauwi ang kanyang asawa at walang nangyaring masama.

Hanggang sa isang magarang sasakyan ang pumarada sa tapat ng bahay nila. Nagkandahaba-haba ang leeg ni Bryle sa pagtanaw kung sino ang bababa roon.

Isang makisig na lalaki ang bumaba sa driver seat at pinagbuksan nito ng pinto ang kasama nitong babae. At agad nagsalubong ang dalawang kilay ni Bryle nang si Leia a