CHAPTER 74

Naulit ang magarbong handaan sa mansyon ng Fontallan. But this time, nangyayari ang pagsasalo dahil bisperas na ng kasal nina Kenneth at Leia.

Katulad ng ibang probinsya, ang San Lazaro ay isinasagawa pa rin ang kinaugaliang malaking sayawan kapag may ikakasal. Iyon ay upang isagawa ang sinasabi nilang huling pagiging binata at dalaga ‘raw’ ng magiging bride at groom.

At katulad ng mangyayari bukas, binuksan ng pamilya Fontallan ang gate ng mansyon para sa lahat ng gustong makisaya sa kanila. Welcome ang lahat ng taga o hindi taga San Lazaro.

Sa harap ng mansyon ay ang bonggang kasiyahan ng madaming tao. Sa likod naman ay ang nagkusang tulong-tulong na mga kapitbahay para sa ihahanda bukas. Ang mga kalalakihan ay nagkakatay ng napakadaming baboy at baka, ang mga kababaihan naman ay mga tulong-tulong sa paggagayat ng mga rekado.

Ganoon daw talaga sa San Lazaro. Hindi kailangan ng catering dahil handa ang lahat ng tao na tumulong.

“Ngumiti ka naman, Leia. Sayang ang ganda mo kapag nakas