Book 2: Ang Katulong na Pinikot ng Bilyonaryo: Sypnosis

📌 Author’s Note – Book 2: Ang Katulong na Pinikot ng Bilyonaryo

Hello mga mahal kong readers! ❤️

Maraming salamat sa walang sawang suporta ninyo sa Book 1. Dahil sa inyo, narating na natin ang panibagong yugto ng kwento nina Roxane at Dark Nathaniel.

Ngayong Book 2, mas matindi at mas emosyonal na ang laban. Hindi lang tungkol sa pagmamahalan ng dalawa, kundi pati na rin sa kanilang matagal nang hinahanap—ang kambal na nawalay sa kanila sa gitna ng trahedya.

Dito ninyo masusubaybayan ang kuwento nina Clairox at Roxiel, ang kambal na hindi alam ang kanilang tunay na pinagmulan. Ang kanilang pagbabalik ay magbubukas ng mga panibagong sikreto, rebelasyon, at laban na susubok hindi lang sa pamilya kundi pati na rin sa kapangyarihan at katapatan ng mga taong nasa paligid nila.

Kaya kapit lang, dahil ang laban ay magsisimula muli—mas matindi, mas masakit, at mas puno ng pag-ibig. ✨

Synopsis (Book 2: Ang Katulong na Pinikot ng Bilyonaryo – The Lost Twins)

Labinlimang taon na ang lumipas mula nang maglaho sina Drick, Lyka, at ang kambal sa gitna ng kaguluhan na dulot ng mga tauhan ni Benjie Clinmax. Sa isang trahedya na nag-iwan ng abo at sugat, nabura rin ang alaala nina Drick at Lyka—ngunit hindi ang kanilang puso. At sa pagkawala ng lahat, ang tanging iniwan sa kanila ay ang dalawang munting sanggol na buong pusong inaruga nila at itinuring na sariling anak.

Lumaki sina Clairox Villar at Roxiel Villar sa ilalim ng payak na pagmamahal, iniisip na sina Drick at Lyka ang tunay nilang mga magulang. Ngunit sa kabilang panig, sina Dark Nathaniel at Roxane ay patuloy na nabubuhay sa sakit at pangungulila. Sa kabila ng tagumpay at kapangyarihan, walang saysay ang lahat habang hindi nila kapiling ang kambal.

Habang lumilipas ang panahon, mas lalong lumalalim ang sugat ng dalawang pamilya—ang isa’y nakapako sa nakaraan at pangungulila, at ang isa’y nagtataguyod ng bagong simula na nakabatay sa kasinungalingan ng kapalaran. Ngunit hindi kayang talunin ng oras, amnesia, o kapangyarihan ang tadhana.

Muling susubukin ng panahon kung paano magtatagpo ang dalawang mundong pilit na pinaglayo. At sa pagbabalik ng mga alaala, mabubunyag ang tanong: handa ba silang lahat sa katotohanang maaaring bumuwag sa pamilya na kanilang kinapitan ng buong puso?

BATINO