Chapter 17.💜 WARNING IMPLICIT WORDS‼️

(Hannah pov)

Abot langit ang ngisi namin ni Suzy habang binabasa ang mga hate comments para kay Maya sa halos lahat ng social media platforms.

Oo, plano namin ang lahat. Dahil sikat at kilala na ako sa industriya ng showbiz at marami na akong fans at mga followers ay naging sisiw na lamang sa amin ang sirain ang imahe ni Maya sa lahat ng tao.

Nagpatawag ako ng conference at nagtahi- tahi ng mga kasinungalingan. Itinodo ko ang aking pagda- drama para mas kapani- paniwala at mas maraming maniwala sa mga sinabi ko. Sigurado mas dadami pa ang mga magiging tagahanga ko at syempre ay dadami din ang mga taong makiki- simpatya sa akin. Gano'n naman ang mga tao ngayon, mga uto- uto at madaling maniwala. Sinabi ko sa interview sa akin na kinupkop ng pamilya namin silang mag- ina, binigyan ng trabaho, pinakain, at pinakitaan ng kabutihan. Pero sa bandang huli ay nagawa kaming nakawan ng ina ni Maya, hindi lang 'yon ang mga sinabi ko. Pinalabas ko din na nagpanggap na isang Gustin si Maya para maa