CHAPTER FOUR

Cielo's POV

Dalawang araw na ang nakakaraan,simula noong nag-usap kami ni Oliver. Gaya ng ipinangako ko sa kanya. Sisipot ako bukas sa kasal nila ng kakambal kong si Ciela. Hindi ko man alam kung anong pwedeng mangyayari bukas pero sisiguraduhin kung makakalaya ang mommy at daddy ko.

"Ms. Cielo handa kana ba para bukas??" Nilingon ko ang kung saan galing ang boses at nakita kong si manong Rico ito.

"Opo, manong Rico. Lahat ng galaw, pananamit at nakasanayang gawin ng kakambal ko. Lahat iyon ay kabisado ko na" Sagot ko na ikinangiti naman nito.

"Mabuti naman, wag Kang mag alala. Ano man ang mangyari bukas. Andito lang ako lagi sa likod mo" Pampagaan na sabi nito. Napangiti naman ako at tumango tango kay Manong Rico. Kahit kilan sobrang bait talaga nito. Hindi nito pinabayaan ang pamilya namin kahit anomang gulo ang kinasasangkutan nito.

"Salamat manong. Sana umayon lahat ang plano natin bukas" Buntong hiningang sagot ko at sumandal sa likod ng couch saka ipinikit ang dalawang mga mata. Sobrang stress at wala akong masyadong tulong nitong mga nakaraan araw. Ginugol ko Kasi ang lahat ng oras ko sa pagpraktis sa pag-uugali at pananalita ni Ciela.

Dahil kahit magkakambal kami pero malaki naman ang aming pinagkaiba. Kung ako ay nasa mahinahon at simple lang. Iba si Ciela, matapang ang ugali nito at hindi madala dala sa simple simple lang. Kaya para hindi mabuking ni Oliver Del Fuego ang pagkatao ko. Kailangan 100% magaya ko talaga ng ugali ng kakambal ko. Kaligtasan nila mommy at daddy ang nakataya dito. Hindi ko mapapatawad ang sarili ko kung may mangyaring masama sa mga ito.

"Ms. Cielo! Ms. Cielo" Napukaw ang atensyon ko ng may mga kamay na yumugyog ng mahina sa balikat ko.Agad na iminulat ko ang mga mata ko at nakita kong si Paulo ito.

"I'm sorry Ms. Cielo may kailangan lang akong sabihin sa inyo" Bungad na sabi nito.

"God! Naka-idlip pala ako" Mabilis na umayos ako ng upo at hinarap si Paulo.

"Bakit?? Anong balita???" Tanong ko. Hindi pa masyadong nakabalik ang ulirat ko kaya iniling iling ko nalang ang ulo ko para mawala ang antok na nararamdaman ko.

"Base sa taong nagbibigay ng impormasyon sa akin sa loob ng mansion ng Del Fuego. Nalaman kong nilipat daw ang mommy at daddy mo sa Cebu kaninang umaga." Panimulang sabi ni Paulo na ikinakuyom ng kamao.

"Wha-what?????" Dahil sa galit, napatayo ako at malakas na napasigaw sa harap ni Paulo. Hindi ko alam pero parang napukaw nito ang natutulog na mga dugo ko.

"Sinungaling siya! Sinabi niya sa akin. Na papakawalan niya ang mommy at daddy matapos ang kasal bukas!" Halos bumaon ang koko ko sa sariling mga palad ko dahil sa sobrang galit. Hindi ko alam kung anong mararamdaman ko. Gusto kong sugurin si Oliver at sakalin ito sa balitang sinabi ni Paulo.

"Ms. Cielo kumalma po kayo. Bukas na ang kasal niyo. Hindi pwedeng magpadala kayo sa galit. Kung totoo man na nasa Cebu na ang mommy at daddy niyo. Hindi iyon rason para umatras tayo. Mas lalong pahihirapan ni Oliver Del Fuego ang mga magulang niyo." Mahabang paliwanag na sabi ni Paulo. Napapikit ako sa matinding galit at inis nararamdaman ko. Ilang ulit akong huminga ng malalim at pinakalma ang sarili ko. Hanggang biglang nanlambot ang tuhod ko at muntik ng ma out of balance. Mabuti nalang nakahawak agad ako sa dulo ng couch at naupo ulit dito.

"Naku! Ms. Cielo! Okay lang kayo? te-teka ikukuha ko po kayo ng tubig" Natatarantang sabi ni Paulo. Nakita nitong hindi maganda ang pakiramdam ko kaya mabilis itong pumunta sa loob ng kitchen. Kulang ako sa tulog pero sakto sa stress kaya siguro na nahilo ako ng konti ng kanina.

"Kahit kilan wala ka talagang puso Oliver" Galit na galit na sabi ko sa loob loob ko. Hindi ko maintindihan kung bakit parehong nagustuhan namin ito ng kakambal? Hindi ko ikakaila, na ang dahilan kung bakit ayoko ng makita pa ito. Kasi ito ang taong minsan ng nanakit sa puso ko. Bata pa lang kami noon, gustong gusto ko na si Oliver. Ngunit sa aming magkakambal. Si Ciela ang mahal na mahal nito.

"God! Bakit ipinagtagpo na naman ako sa lalaking ito? Matagal ko ng binaon sa limot ang pagmamahal ko para sa kanya." Buntong hiningang na namang sabi ko sa sarili ko. Si Oliver ang dahilan kung bakit umalis at tumira ako sa Europa sa loob ng dalawang taon.

Noon, dating magkabussines partner ang mga magulang ko at mga magulang niya. Subalit hindi lingid sa kaalaman ko na mas makapangyarihan ang pamilya nila. Kung tutusin, magkababata lang kami ni Oliver. Kaya habang lumalaki kami. Hindi rin maiwasan na humanga ako sa pagkatao niya. Buong akala ko noong una, simpling paghanga lang ang nararamdaman ko sa kanya. Hanggang sa katagalan na naramdaman kong kakaiba na feelings ko sa kanya. Ang simpling paghanga ko napalitan ito ng lihim na pagmamahal sa kanya. Oo, lihim dahil nang tumuntong kaming pareho ng kakambal kong si Ciela sa edad na dalawangpu't lima. Ipinagkasundo si Ciela sa kanya.

Masakit at nakakadurog ng puso. Subalit mas pinili kong supportahan ang desisyon ng mga magulang ko at respeto na lang din sa kakambal ko. Alam kong mahal na mahal nila ang isa't isa noon. Dahil habang ako'y nasa Europa. Hindi mawala wala sa balita ang mga pangalan nila.

"Ms. Cielo okay lang kayo??? Heto inumin niyo" Matapos kong tanggapin ang tubig na binigay ni Paulo at ininom ko agad ito. Medyo naging okay ang pakiramdam ko ng kamainom ng tubig. Kumalma ang kaninang galit na galit na damdamin ko.

"Sa-salamat " Sabi ko. Tumango at ngumiti naman ito.

"Wag Kang mag-alala Paulo. Gaya ng plano natin magpapakasal ako bukas Kay Oliver Del Fuego" Pagbibigay kasiguraduhan na sabi ko.