Chapter 6

Naputol ang pagpapantasiya ko ng marinig ko ang inis na boses ni Claire. "Asawa nga po ako ni Ysrael," Nagpameywang siya sa harap ng guard at napakagat labi.

"Hay nako! Miss marami ang nagsasabi niyan na mga fans. Halos lahat naman kayo ay sinasabi na asawa niyo si Sir Ysrael," saad ng guard sa kanya na ikinairap ni Claire.

Oo nga at kasal silang dalawa ni Ysrael ngunit private na kasal lang ang naganap sa kanilang dalawa. Mga kamag-anak at malalapit na kaibigan lang sa trabaho ang nakakaalam na kasal na silang dalawa ni Ysrael.

"Sumagot na ba si Jayson sa tawag mo?" Tanong ko kay Aurelia at umiling ito. Nangangawit na ako kakabitbit ng mga dala namin.

Nakakainis! Bakit kasi ang tagal nilang sagutin?

"Hindi pa, eh. Baka nagtatrabaho pa iyon," Kagat-labing sabi ni Aurelia sa'kin.

"Kasi naman itong si Manong guard na ito, ayaw pang maniwala sa akin. Kainis!" Inis na sabi ni Claire at sumimalmal.

"Wala ba kayong number ng ibang katrabaho nila diyan? Lintek naman kasi itong si Claire walang number ng asawa niya." Inis na sabi ko dahil ang bigat-bigat na nga ng dala ko ang init pa.

"Ah, oo nga pala may number ako ni Justin," saad ni Aurelia at dali-daling tinawagan ito kaya nakahinga kami ng maluwag.

Nagkatinginan naman kaming tatlo ng magsilingunan ang mga tao sa paligid namin matapos banggitin ni Aurelia ang pangalan ni Justin. Dali-dali naming hinila si Aurelia sa sulok upang magtago sa kanila dahil baka harasin pa kami para makuha nila ang number ni Justin.

"Hello, Justin? Hindi ko kasi matawagan si Jayson, eh. Busy ba kayo? Ah, kaya pala. May dala kaming pagkain for lunch kaso ayaw kaming papasukin ng guard, eh. Sige Salamat. Nasa labas kami ng Sync Entertainment. Ayaw nilang maniwala na girlfriend ako ni Jayson. Hmp!" Inis na sabi ni Aurelia. Parang ewan lang. Tsk!

"Sos! Hahaha. Maraming salamat. Bilisan niyo na. Ang bigat ng mga dala namin. Pasabi kay Jayson dalian niya. Siya nagpadala nito tapos ayaw niyang sagutin ang tawag ko? Grabe, ha?" Kunwaring nagtatampong saad niya. Napailing nalang ako sa pinaggagawa ng pinsan ko.

"May number ka naman pala ni Justin. Bakit hindi mo tinawagan agad? Pft." Inis na saad ko at sinipa ng mahina ang batong nakita ko.

"Eh, Sa nakalimutan ko. Aysus! Gusto mo lang hingin number ni Justin sa akin kunwari ka pa," pangangantyaw ni Aurelia sa'kin.

"Anong pinagsasabi mo? H-Hindi no." Utal kong saad na lalo niyang ikinangiti.

"Sus! Umamin ka na kasi ibibigay ko naman sa'yo. Akin na nga iyang cellphone mo," saad niya sabay hablot ng cellphone na hawak ko. Sinubukang kong agawin iyon sa kanya pero tinutulak niya lang ako palayo. Napatigil ako sa pakikipag-agawan ng cellphone ko sa kanya ng marinig namin ang malakas na sigawan ng mga tao. Hinihiyaw nila ang pangalan nila Ysrael at Justin na kasalukuyang naglalakad papalapit sa'min.

"Justin, I love you!" Hiyaw ng isang babae kay Justin saka nagflying-kiss.

'Tss, He's mine guys! Back off!' Sabi ng mumunting tinig sa utak ko. Akin siya kahit hanggang tanaw pa lang ako ngayon.

Napatitig naman ako sa kanya at nakasuot siya ng isang plain t-shirt at jagger habang naka sunglasses. Kasabay niya sa paglalakad si Jayson na ngayon ay nasa harap na ni Aurelia.

"Kungju!" Sabi ni Jayson pagkalapit kay Aurelia at kinuha ang mga dala nito.

Napuno naman ng hiyawan sa buong paligid at hiniling na sana sila na lang ang masuwerteng babaeng kasama nila. Tipid akong napangiti ng ma-realize ko na sana balang araw ay ako ang maging mapalad na babae sa buhay ni Justin.

"What are you doing here?" Rinig kong bulong na sabi ni Ysrael kay Claire. Mukhang mainit pa rin yata ang ulo niya dahil wala siyang matinong makain sa mga niluluto ni Claire.

"Baka mag-o-audition sa Sync Entertainment ng may dalang lunch box?" Parang tang*ng sagot niya sa asawa niya.

"So, iniisip mo na nakakatawa ka na nyan?" Saad niya at naunang maglakad kay Claire.

"Hindi. Iniisip ko kung magiging ganoon ka din ba ka-sweet tulad ni Jayson," saad ni Claire kay Ysrael at hinabol siya. Napailing nalang ako sa kanilang dalawa dahil nakakainggit silang tignan.

"Hoy! Ysrael!" Tawag ni Claire sa asawa niya at kumapit sa kanang balikat nito kaya naghiyawan sa inggit ang mga taong nasa paligid nila.

"It's a double kill. Jayson and Ysrael with their girls is too much for now." Naiiyak na sabi ng nadaanan kong babae.

This time, I feel them dahil isa din ako sa naiinggit tulad nila. Nilibot ko naman ang paningin ko sa paligid upang hanapin si Jayson at nagulat ako ng makitang nasa likuran ko na pala siya.

"Tulungan na kita diyan sa mga bitbit mo," nakangiting sabi ni Jayson at kinuha niya ang mga dala kong paper bags. Nang magdikit ang mga kamay namin ay para bang may kuryenteng dumaloy doon kaya nilayo ko agad ang kamay ko.

"Okay ka lang ba?" Tanong niya sa'kin.

"Ayos lang ako. Ako na ang magbibitbit niyan. Magaan lang naman," sabi ko at akmang kukunin na ang paper bag sa kanya ng ilayo niya ito.

"Ano ka ba? Ayos lang iyon. Tara na at nauuna na sila sa'tin," sabi niya at sumunod na siya kay Jayson.

Dali-dali ko naman siyang sinundan habang tinititigan ang likuran niya. Muntik pa nga akong mauntog sa likod niya ng bigla siyang huminto, mabuti na lang at napigilan ko ang sarili ko. Tinignan ko kung ano ang tinitignan niya at nakita ko si Jayson na nakikipag-usap sa guard. Ipinakilala niya si Aurelia at si Claire sa guard. Napailing na lang ako ng ngisian ni Claire ang guard at inasar ito na para bang batang pinagmamalaki ang kending nakuha niya.

Isip batang talaga!

Pagkapasok namin sa loob ng building ay hindi ko mapigilang ilibot ang paningin ko dahil maraming mga kilalang artista ang narito. Nagulat pa nga ako ng hilahin ako ni Jiro dahil muntik na akong mabangga sa isang poste. 

Nakakahiya ka, Isabella? 

Nang makarating kami sa training room ay hinanda na namin ang mga pagkain sa mesa. Mukhang magiging isang mahalagang araw ito sa’kin dahil makakasabay kong kumain si Jayson.