7

Binigyan naman sila ng plato ni Claire at ako naman ay inabutan sila ng kutsara. Napasulyap ako kay Justin na kasalukuyang naglalagay ng maiinom sa baso samantalang ang iba naman ay busy sa pagkuha ng sarili nilang pagkain. Masiyadong mabagal kumilos ang tadhana kaya't uunahan ko na ulit ito kumilos.

"Sakto ang dating niyo dahil gutom na ako," sabi ni Justin at inabutan kami isa-isa ng juice na hawak niya.

"Luto 'yan ng Kungju ko. Huwag niyo akong ubusan ako ang nagrequest niyan." Buong pagmamalaki na sabi ni Jayson. 

"Justin, ito pagkain mo," Sabi ko at nahihiyang iniabot sa kanya ang pagkaing hawak ko.

"Salamat, nag-abala ka pa. Nakakahiya naman sa'yo." Saad niya at kinuha ito mula sa aking kamay.

"Wala iyon. Ano ka ba? Lahat may pagkain na tapos ikaw wala pa. Mahirap na baka maubusan ka," pabiro kong saad sa kanya na ikinatawa niya. Ang gwapo niya!

"Huwag kang madamot, Jayson. Pahingi rin naman kami," rinig kong sabi ni Claire at pilit na kumukuha mula sa tupperware na inilalayo ni Jayson.

"Hindi ito relief goods pero makakakain ang lahat!” Pabirong sigaw ko sa kanila kaya napalingon sila sa'kin. Nanag magtama ang paningin namin ni Justin ay napaiwas ako ng tingin dahil tila ba nanlalambot ang tuhod ko sa mga titig niya.

"Hoy! Jayson at Aurelia. Huwag kayong magsubuan ng pagkain sa harap ko baka itulak ko kayo dyan," nakangusong sabi ni Justin sa kanila ngunit hindi naman siya pinansin ng dalawa. May sariling mundo na ata ang mga ito.

Ang cute naman. Subuan din kita Justin, you want?

"Sabi sa inyo nagseselos 'yang si Justin kay Aurelia, eh!" Pang-aasar ni Ysrael kaya tinignan siya ng masama ni Justin.

"May lihim na pagnanasa talaga ito sa akin, eh!" Nakangising sabi naman ni Jayson.

Napatawa ako dahil ang cute nilang tignang dalawa. Kapag napapanood ko nga sila sa mga video nila tuwang-tuwa na ako at para bang may kumikiliti sa puso ko kaya maghapon nang maganda ang araw ko. Magkakaibigan kasi ang mga iyan at makikita mo sa videos na malalapit ang loob nila sa isat-isa kahit na sa mismong CEO nila na si Javier.

"Bakit hindi ka kumakain?" Tanong ni Justin ng makalapit siya sa'kin.

"Natutuwa kasi ako sa inyo dati sa mga online videos at sa mga live ko lang kayo napapanood tapos ngayon personal na." Sabi ko at hindi mapigilang ngumiti ng malapad.

"You seem very happy. Lahat kaya ng fans namin ganyan ang nararamdaman?" Saad niya at inabutan ako ng pagkain. Napalingon ako sa kanya. Ngayon ay nakatingin na siya kay Jayson at hindi pa rin nawawala ang malapad niyang ngiti.

'Yes, I'm very glad that finally I'm in Sync Entertainment and I'm with you.' Saad ko sa isip ko at muling tumingin kay Justin.

-

Magkakasama kaming nakaupo ngayon sa sahig at sabay-sabay na kumakain. Napapaiwas na lang ako ng tingin kapag nagsusubuan sila Aurelia at Jayson na para bang walang single na nakakakita sa kanila. Hustisya nama!

"Alam mo ba, Ysrael?  Si Kie ang nagluto ng mga pagkaing iyan," nanlaki ang mga mata ni Ysrael matapos marinig ang sinabi ni Aurelia at wala sa sariling binuga ito.

"Ysrael!" Malakas na sigaw ni Justin at halos maging isang linya na ang kilay niya. Ibinuga kasi ni Ysrael ang pagkain at napunta lahat sa mukha ni Justin.

"I’m dead!" Napapalunok naman na sabi ni Ysrael sabay takbo papalayo kay Justin, dahil alam niyang malalagot siya dito.

Kunot-noo na hinabol ni Justin si Ysrael. Samantalang si Justin naman ay pinigilan si Ysrael sa pagtakbo kaya nahuli siya ni Justin. Kiniliti ni Justin si Ysrael hanggang sa magpagulong-gulong silang dalawa sa sahig.

"Waah! Justin, Tama na! Sorry na!" Mangiyak-ngiyak na sabi ni Ysrael sa pagitan ng mga tawa niya.

"Parusa mo ito sa pagpapaligo mo ng pagkain sa'kin." Tatawa-tawang sabi ni Justin at binigyan siya ng sunod-sunod na mahihinang suntok. I find myself taking picture of them.

"Justin at Ysrael, tama na 'yan. Kumain na kayo dito dahil masamang pinaghihintay ang pagkain," sabi ni Jayson kaya nilubayan ni Justin si Ysrael. Umupo si Justin sa tabi ko at masamang tumingin kay Ysrael kaya napalunok ito ng sunod-sunod.

"Cute," wala sa sariling sabi ko kaya napalingon siya sa'kin ng nagtataka.

"This plate is cute..." Kunwaring sabi ko at iniwasan ang mga tingin niya. Pinagpatuloy ko naman ang pagkain ko habang pasimple siyang tinitignan.

"Hoy! Kainin mo iyong niluto ko para sa'yo." Sabi ni Claire at nag-pout pa sa harap ng asawa niya habang pilit siyang sinusubuan.

"Ayoko baka mamatay ako bigla," sabi ni Ysrael sa seryosong tono at inilalayo ang mukha niya sa kutsara.

"Ang harsh!" Natatawang sabi ko na sana pala ay hindi ko na lang sinabi dahil parehas nila akong tinignan ng masama.

"Masarap kaya ang luto ni Claire. Nag-improve na siya! ." Sabi naman ni Aurelia at sumubo ng pagkain.

"Try mo! Si Aurelia ang nagturo sa kanya kaya paniguradong masarap 'yan," Rinig kong sabi ni Jayson at marahang ginulo ang buhok ni Aurelia.

"See? Sila nga nasasarapan sa luto ko tapos ikaw ayaw mong kainin? Ang arte mo, ha? Kainin mo na please," sabi ni Claire at nag-puppy eyes pa sa harap ng asawa niya. Yak, ah.

"Ayaw mo? Ako na lang ang kakain lahat." Sabi ni Jayson at kinuha ang baunan na hawak ni Claire na agad din namang inagaw sa kanya ni Claire.

"Bakit kinuha mo? Ayaw niya naman, eh!" Pagmamaktol ni Jayson sa kanya dahil inilayo sa kanya ni Claire ang pagkain na hawak niya. Ang sarap nilang yakapin ang cute nila. Para silang mga bata na ang sarap kurutin.

"Here," napalingon ako sa nag-abot ng juice at nakitang kasalukuyang nagsasalin si Justin sa baso niya. Sinalinan niya palang muli ang baso ko. Sweet.

"Thank you," saad ko at kinuha ang baso saka uminom doon.