193.

Galit na kumuyom ang kamao ni Dad. “There’s someone behind this, baby. Malinis kong naitago ang mga ebidensya, ang iba ay binura ko na. Pero maging iyon ay lumantad! Malakas ang hinala ko na mayro’ng tao sa likod ng ito!”

“Ano ang ibig mong sabihin, Dad?” Minsan lang magduda si Dad. Alam kong may basehan siya. Pero sino ang gagawa nito sa amin? Wala pang kumakalaban sa pamilya namin. Ngayon lang nangyari sa amin ito.

“I don’t know, baby. Pero sigurado ako na may galit siya sa pamilya natin at gusto niya tayong mapabagsak! Kaya habang hindi pa natatapos ang kaso ko ay mawala na sa ating landas si Demi! Kailangan mong makasal kay Eliot sa lalong madaling panahon! Siya lang ang paraan para maligtas sa tuluyang pagkalubog ang pamilya natin!”

“Wag kang mag alala, Dad. Ako ang bahala sa lahat.” Hinawakan ko ang kamay ng daddy ko. “Hindi ko hahayaan na makulong kayo ni Mommy. Hindi ko hahayaan na mawala ang mga pinaghirapan natin.” Wika ko.

“Humingi ka na ba ng tulong sa Tito mo?”