Kabanata 2.1

Binisita ni Camila si Hazel sa office nito, ang ina ni Elijah. May dala-dalang mga pagkain at regalo para kay Hazel.

“Come in,” wika ni Hazel ng marinig niya ang katok.

“Good morning, Mrs. Logan.” Nakangiting bati ni Camila. Napatingin naman si Hazel sa pumasok at ng makita niya si Camila ay napangiti siya. Itinigil niya muna ang ginagawa niya para harapin si Camila.

“Napabisita ka, mija. May maitutulong ba ako sayo?” nakangiting wika ni Hazel. Ibinaba naman ni Camila ang mga dala niya.

“Dinalhan kita ng pagkain at mga regalo, Mrs. Logan. Pasasalamat na rin dahil nakipagmerge kayo sa business namin. Hindi niyo alam kung gaano kalaking tulong sa amin ng partnership niyo.”

“You deserve it naman, dear. Nag-abala ka sa mga regalo pero thank you.” Kinuha naman ni Camila ang isang jewelry box saka ito binuksan.

“Ako ang nagdesign ng kwintas na ito, Mrs. Logan. Nag-iisang design lang ito sa mundo. I hope you like it.” Natuwa naman si Hazel saka kinuha ang kwintas at tiningnan iyun.

“Napakaganda ng gawa mo, Camila. Napakatalented mong bata. I’m sure, maraming mga lalaki ang nagkakandarapa sayo at gusto kang pakasalan. Kung nakapaghintay lang sana si Elijah, ikaw sana ang pinakasalan niya.” napangiti si Camila. Tuwang tuwa siya dahil nagugustuhan na siya ni Hazel.

“How about Scarlett? You don’t like her?”

“Kung alam ko lang na wala siyang alam sa business, pinigilan ko sana si Elijah na pakasalan ang babaeng yun. Magpinsan kayong dalawa, iisang dugo ang dumadaloy sa inyo pero ang layo niyo sa isa’t isa. Ang dami niyong pinagkaiba. Napakagaling mo pagdating sa negosyo habang si Scarlett na pinsan mo, walang alam para matulungan man lang ang anak ko. Sa gawaing bahay na nga lang babawi, hindi pa niya magawa. Sana ikaw na lang ang naging asawa ni Elijah.” Kinikilig naman si Camila sa papuri sa kaniya ni Hazel

Tuwang tuwang isinuot ni Hazel ang kwintas na regalo sa kaniya ni Camila. Tiningnan pa niya ang sarili niya sa salamin.

“Napakaganda, dear. Thank you so much, Camila. If you need my help, huwag kang magdadalawang isip na sabihin sa akin.” Napangiti si Camila saka niya sinabi ang motibo niya.

“I like your son, Mrs. Logan. Gusto ni Elijah na makipagdivorce na kay Scarlett pero dahil wala siyang valid reason, hindi siya makapagfile ng divorce. Pwede mo ba akong tulungan?” napatingin si Hazel kay Camila.

“Anong pinaplano mo para umalis na ang babaeng yun sa buhay ng anak ko?” napangisi si Camila saka niya sinabi ang plano niya. Nagngitian silang dalawa nang magkasundo sila sa usapan.

---

Napangiti si Camila ng dumating sa condo niya si Elijah. Sinalubong niya ito kaagad at siniil nang halik.

“Akala ko hindi ka na darating. Bakit ngayon ka lang?” malambing na wika ni Camila.

“Traffic,” tipid na sagot ni Elijah. Nang maalis ni Elijah ang suit niya ay siniil niya nang halik si Camila.

“Hindi ka ba hahanapin ng asawa mo? Okay lang ba dito ka matulog ngayon?” malanding sambit ni Camila.

“Pagod ako at ikaw ang pahinga ko Camila. Hindi naman yun magtataka kung bakit hindi ako umuwi. Pagod na pagod na akong umuwi sa kaniya. Ikaw ang kailangan ko ngayon.” Wika ni Elijah at muling siniil nang halik si Camila. Tumatawa naman si Camila nang makiliti siya sa leeg niya.

“Ano ba, nakikiliti ako.” Malanding wika ni Camila pero gustong gusto niya naman ang ginagawa ni Elijah sa kaniya. Nang matapos silang magsex ay nanatili sila sa kama. Nilalaro ni Camila ang mga daliri niya sa dibdib ni Elijah.

“Pwede ko bang isama si Scarlett bukas sa celebration ko?” wika ni Camila. Kunot noo namang tiningnan ni Elijah si Camila.

“Bakit mo naman siya gustong isama? Hindi naman kayo close para isama mo siya. Baka sirain niya lang ang celebration mo.”

“Hindi niya naman siguro gagawin yun lalo na at ikaw ang mapapahiya. Gusto ko lang naman na makasama siya lalo na at mga magulang niya ang may-ari ng pinapatakbo naming business ngayon. Ayaw ko namang isipin niyang wala na akong pakialam sa kaniya pagkatapos naming makuha ang kompanyang mamanahin niya sana. Please, pumayag ka na? I promise ako na ang bahala sa kaniya. Hindi ko hahayaan na may mangyari sa kaniya. Sa bar na lang kami magcecelebrate at kung malasing na kami, mangunguha na lang din ako ng kwarto dun.” Napapabuntong hininga naman si Elijah. Nagtataka man siya kung bakit biglang gustong makasama ni Camila ang asawa niya pumayag pa rin siya.

“Masyado kang mabait, Camila. Binibigyan mo pa ng oras ang pinsan mo.”

“Balita ko kasi nasa loob na lang siya ng bahay kaya naisipan kong isama na lang siya para naman makapagcelebrate kaming dalawa. Pupunta ka naman hindi ba?” tumango naman si Elijah.

---

Pagkatapos magshower ni Scarlett ay bumaba na siya.

“Wala pa ba si Elijah?” tanong niya sa mga katulong nila.

“Wala pa ma’am,” sagot ng isa. Napapabuntong hininga na lang si Scarlett. Napapansin niyang napapadalas na hindi umuuwi sa bahay nila si Elijah. Napapaisip siya kung busy lang ba ito o kung iba na ang tinatrabaho.

“Hindi ka pa ba kakain?” tanong ng mayordoma ng bahay nila. “Malamig na ang mga pagkain.”

“Hintayin ko na lang si Elijah baka naipit lang siya sa traffic.” Sagot ni Scarlett. Naaawa naman na sa kaniya ang mayordoma ng bahay nila dahil nagtitiis pa rin si Scarlett sa kung anong buhay nito at sa pakikitungo ni Elijah sa kaniya.

“Alas nwebe na ng gabi, hija. Paano kung hindi umuwi si Elijah? Magugutom ka na naman. Namamayat ka na sa kakahintay sa kaniya dahil hindi ka rin kumakain kapag hindi siya umuuwi. Halika na, Scarlett. Kumain ka na.” pag-aaya ng mayordoma. Tipid namang ngumiti si Scarlett saka siya sumunod sa kusina.

Tinawagan ni Scarlett ang number ng asawa niya pero ring lang ito nang ring.

Kinabukasan, nagulat na lang si Scarlett ng makita niya ang pinsan niyang si Camila sa loob ng bahay nila.

“Anong ginagawa mo dito?” tanong ni Scarlett. Napangiti naman si Camila sa kaniya.

“Gusto ko sanang i-invite ka para sa celebration ko mamaya sa hotel. May mga kasama akong mga bussinessmen. Gusto mo bang ipagpatuloy ang passion mo sa designing? Malay mo may makilala ka dun at makapag-apply ka sa kanila.” Napapaisip naman si Scarlett pero para saan pa kung papayag siya kay Camila kung hindi naman siya papayagan ng asawa niya.

“Thank you for inviting me, Camila, pero hindi ako makakapunta. Hindi ako papayagan ni Elijah.”

“Paano kung sabihin ko sayong pumayag na si Elijah? Pinagpaalam na kita sa kaniya kaya wala ka ng maidadahilan sa akin. Sayang naman ang talent mo kung itatago mo lang yun.” napakunot ng noo si Scarlett.

“Pumayag si Eijah?” tanong niya.

“Oo, kung ayaw mong maniwala kausapin mo siya mamaya kapag nakauwi siya. Susunduin kita dito mamaya, ha? See you later, Scarlett. Lumabas ka naman ng bahay para naman hindi ka lang nakakulong dito. Hayaan mong maranasan ang mga party party. Wala ka pa namang anak, so you should enjoy your life.” Saad ni Camila saka ito umalis.