My Cold-Hearted Husband Wanted Me Back

Sa ikadalawampu't siyam na linggong pagbubuntis ni Aerial, nahuli niya ang kanyang asawa na may ibang kasamang babae sa ospital.

Hindi siya puwedeng magkamali, sa tangkad nito at sa gwapong mukha ng kanyang asawa na nakasuot ng itim na amerikana. Isang maganda at mahinhin na babae na nasa mga bisig nito, nakaalalay ito sa babae.

Ang babae ay nakasuot ng puting mabalahibong diyaket, ang pisngi nito ay namumula, at ang maliit na mukha nito ay nababalot ng malambot na lana na bandana. Ang kulay ng kutis nito ay parang isang manikang porselana.

Humigpit ang hawak ni Aerial sa resulta ng pinagbubuntis niya, nanlalamig ang kanyang mga kamay. Parang may humampas na malamig na hangin sa kanyang mga pisngi, ngunit mas naging malamig ang kanyang pakiramdam sa kakaibang pagtibok ng kanyang puso. Parang pinipiga at may kung anong tumatarak sa kanyang puso.

Ang sakit.

Nakita siya ni Diego mula sa malayo. Ngunit nakita niyang wala man lang itong naging reaksyon nang makita siya. Taas ang noo nitong diretso lang ang paghakbang palabas ng ospital kasama ang babae. Maingat ang pagbukas ng pinto para sa babae; napakabanayad ng ekspresyon.

Hindi akalain ni Aerial na makikita niya si Diego nang ganoon ka banayad sa isang tao. Kilala ito bilang isang malupit na tao, ngunit hindi niya akalain na ang isang tulad ni Diego ay may tinatago sa banayad na ekspresyon.

Tila napansin naman siya ng babaeng kasama nito. Bahagya itong tumigil at napasulyap sa kanya na may nagtatakang tingin.

“Bakit nakatingin ang manang na iyon sa atin? Kilala mo ba siya, Kuya Diego?” tanong ng babae kay Diego.

Muli siyang nakaramdam ng malamig na hangin na tila humampas sa kanyang pandinig.

Tinawag siyang manang ng babae gayong dalawampu't-apat na taong gulang lamang siya.

Gayunpaman, dahil sa medyo bumilog na ang kanyang pangangatawan dahil sa kanyang pagbubuntis. Idagdag pa ang kanyang suot, nakabalot siya ng itim na malaking diyaket at nakasuot ng itim na sumbrerong lana, ang kanyang katawan, na nasa huling buwan ng pagbubuntis, ay namamaga na ang kanyang mga balat at mabigat sa kanyang pakiramdam. Kasama ang kanyang pagod na mukha, talagang mapagkakamalan siyang manang na nasa edad trenta o kuwarenta. At hindi na maihahambing sa isang batang magandang babae.

Tinulungan na ni Diego ang babae na makasakay sa kotse. Habang nanatili lang si Aerial sa kanyang kinatatayuan, pinanood ang pag-alis ng sasakyan.

Pinakasalan siya si Diego dahil nabuntis siya. Ang sapilitang pagpapakasal nila ay parang isang dagok sa buhay ni Diego, na kilala bilang isang batang bilyonaryo.

At para kay Diego ay ang batang nasa sinapupunan niya ay ginamit niyang kasangkapan para mapilitan itong pakasalan siya. Dahilan para kamuhian siya nito ng todo.

Walong taon niyang lihim na pinangarap na makasama ito, ngunit alam ni Aerial na hindi siya magkakaroon ng pagkakataon na malayang makalapit kay Diego.

Kaya pinagbuti niya ang kanyang pag-aaral ng masundan ang yakap ni Diego na kilalang pinakamagaling na estudyante.

Dumating ang araw na kanyang pinakahihintay, natupad ang kanyang pangarap na mapalapit kay Diego, naging sekretarya siya nito sa sariling mga negosyo. Naging malaya siya na makalapit sa Diegong lihim niyang iniirog.

Ngunit nasira ang lahat ng kanyang pangarap dahil sa isang gabing pagkalimot. May nangyari sa kanila ni Diego, isang gabing minsan na rin niyang pinangarap pero hindi sa ganung pag angkin sa kanya. Winasak siya nito, ang buo niyang pagkatao. Hindi pinahalagaan ang kanyang kalinisan. Na sa unang gabi ay nawala sa kanya ang dangal na iniingatan.

At ang isa sa hindi niya malilimutan ay ng makita niya kinaumagahan ang tila nandidiri itong makita siyang katabi sa kama, na para bang may nakakahawa siyang sakit kaya ito nasusuklam sa kanya.

Nagpakawala ng isang malalim na paghinga si Aerial ng maalala ang gabing iyon na may nangyari sa kanila. Hanggang sa malaman na lang niya na nagbunga na ang nangyari sa kanila ng gabing iyon. Wala naman siyang balak ipalaam ang kanyang pagbubuntis kay Diego pero naisip niya na may karapatan din itong malaman. Ngunit sa ginawa niyang iyon ay mas lalong namuhi sa kanya si Diego at sinabihan siya nitong ginagamit na lang niya ang batang pinagbubuntis niya para tuluyan itong matali sa kanya.

Hindi niya hinangad ang ganitong relasyon, mas gusto pa niyang makipag hiwalay na lang kay Diego pero mas nanaig sa kanya na mabigyan ng isang buong pamilya ang kanyang anak kahit na alam niyang hindi matutupad ang isang masayang pamilya na kanyang hinahangad.

Napakurap siya ng maramdaman ang mainit na tubig na dumaloy sa kanyang pisngi, lumuluha siya.

Kasunod ng kanyang pagluha ay ang matinding pagkirot ng kanyang tiyan. Napangiwi siya sa sakit habang hawak na niya ang bigat ng kanyang tiyan. Agad siyang napahawak sa malaking haligi sa tabi niya.

Nakita naman siya ng isang nurse na napadaan, dali-dali siyang tinulungan, at dinala sa emergency room.

Sumakit ang tiyan niya sa pagiging sobrang emosyonal at pagkabalisa. Sinabihan siya ng doktor na kailangan niyang kumalma para hindi siya mapaanak ng maaga at wala sa tamang oras.

Hindi na rin nagtagal si Aerial sa ospital matapos niyang mapakalma ang sarili sa magkakahalong emosyon na kanyang nararamdaman.

Kahit pagod na pagod na siya sa pisikal at mental na aspeto, pinilit niyang magmaneho pabalik ng Repulse Bay nang mag-isa.

Ang Repulse Bay kung saan ang villa ni Diego na inayos sa kanya ng lolo nito para doon siya tumira.

Kasama niya sa villa ang dalawang katulong na galing pa sa lumang mansyon ng pamilyang Natividad.

Sa oras na nakapasok siya sa villa, naabutan niya ang dalawang katulong na kasama niya sa bahay na komportableng nakaupo sa sala, masayang nagkukwentuhan na parang sarili nilang bahay ang villa.

Narinig nila ang kanyang pagdating. Sabay na lumingon ang dalawa sa kanya. 

Isa sa katulong ang unang tumayo at sinalubong siya.

“Kumusta ang resulta ng iyong check up?” Puno ng kaarogantehan na tanong ng katulong sa kanya.

Sa naging tono nito sa pagtatanong sa kanya ay parang hindi ito katulong kung umasta. Daig pa nito ang may ari ng bahay na binabantayan siya na na parang isa lang kabit na nakikitira lang.

Malamig na sinulyapan lang ni Aerial ang katulong, hindi niya ito pinansin, dumiretso siya paakyat ng hagdan.

“Nagtatanong ako sayo.” Kunot ang noo na pagsita sa kanya ng katulong.

Hindi pa rin niya ito pinansin. Ngunit hindi nakaligtas sa pandinig niya ang pagdura nito at ng huling sinabi.

“Para naman siyang matabang baboy. Akala mo naman siya ang mistress ng pamilyang Natividad. Halata naman na mapagpanggap lang siya.”

Iyon ang mga sinabi ng katulong ng nakatalikod na siya. Ngunit para sa kanya ay para saan pa para patulan ito. Para na rin niyang sinabi na magka-level lang sila ng katulong kung pinatulan niya ito sa kagaspangan ng ugali nito.

Maliban sa galit lang sa kanya si Diego ay hindi naman siya nito minamaliit tulad ng pagmamaliit sa kanya ng katulong o kahit ang matandang Natividad bilang asawa ng apo nito.

Ang lolo mismo ni Diego ang nag-ayos ng pagpaparehistro ng kanilang kasal kahit na malaki ang pagtutol ni Diego sa bagay na iyon.

Gayunpaman, walang nagawa si Duego dahil sa malubhang karamdaman ng kanyang lolo at ng malaman na buntis siya sa magiging apo nito sa tuhod ay agad nitong isinaayos ang kanilang kasal.

Nagkataon man o talagang nagdala siya ng swerte dahil unti-unting bumuti ang kalagayan ng lolo ni Diego.

Naging mabuti ang pakikitungo sa kanya ng matandang Natividad. Ngunit minamaliit pa rin siya ng ibang miyembro ng pamilya nila. At dahil doon, kaya hindi maganda ang trato sa kanya ng mga katulong na kasama niya sa bahay na galing pa nga sa lumang mansyon.

Nagpunta siya sa ospital kanina para muling magpa-check-up at muling malaman ang kasarian ng kanyang dinadala, at hindi nagbago ang unang resulta noon dahil babae talaga ang nakitang kasarian ng baby niya.

At alam niya na may abiso na ang ospital sa lolo ni Diego na babae ang anak niya at malamang ay tuwang tuwa na ito sa resulta.