AIJAN: 21

Sabrina

Kinakabahan na pumaparoon at parito ako habang naghihintay sa pagdating ni Cara. Alam kong kahit na hindi ako nito nirereply sa mga text message ko eh nababasa niya parin ang mga iyon.

Kaya kahit na wala akong natanggap na reply mula sa kanya, eh agad na sumibad parin ako papunta rito sa seaside. Ito lamang kasi ang alam kong ligtas na lugar na pwede naming pag tagpuan, na tanging kami lamang na dalawa ang nakakaalam.

Halos nasa kalahating oras na rin yata akong nandito at naghihintay sa kanya, ngunit hanggang ngayon ay hindi parin ito dumarating. Kaya naman, naghintay parin ako at maghihintay kahit na abutin man ako rito ng maraming oras, makausap ko lamang ito.

Hindi na ako makakapayag pa na hindi nito nabibigyan ng kalinawan ang mga nangyayari. Halos dalawang linggo na kaming ganito. Hindi nag-uusap at palaging deadma lamang kapag nagkakasalubong o nagkikita sa school.

Sobrang nakakabaliw na ang mga nangyayari. Minsan pa nga iniisip ko, baka naman masyado lamang akong nasan